ب ۇ ۇ قاۋىپسىزدىك كەڭەسىندەگى ق ر ءتوراعالىعى قازاقستان، رەسەي جانە قىتايدىڭ ۇيلەسىمىن ارتتىرادى - ياۋ پيشىڭ

 بەيجىڭ. قازاقپارات - قازاقستاننىڭ ب ۇ ۇ قاۋىپسىزدىك كەڭەسىندەگى قازىرگى ءتوراعالىعى قازاقستان، رەسەي، قىتاي جانە باسقا دا ەلدەردىڭ ديپلوماتيالىق ميسسياسىنىڭ ۇيلەسىمدىلىك دەڭگەيىن ارتتىرادى.

ق ح ر س ءى م جانىنداعى ازيا جانە افريكانى دامىتۋ كەڭەسىنىڭ مۇشەسى، قىتاي حالىقارالىق زەرتتەۋلەر قورىنىڭ قىزمەتكەرى ياۋ پيشىڭ قازاقپارات تىلشىسىنە بەرگەن سۇحباتىندا وسىنداي پىكىر ايتتى.

قىتايدىڭ قىرعىزستانداعى، لاتۆياداعى، قازاقستانداعى جانە ۋكرايناداعى ەلشىسى بولعان ساياساتتانۋشى ب ۇ ۇ قاۋىپسىزدىك كەڭەسىندەگى ءتوراعالىعىنان كەيىن قازاقستاننىڭ وڭىرلىك جانە جاھاندىق قاۋىپسىزدىكتى قامتاماسىز ەتۋدەگى ءرولى ارتا تۇسەتىنىنە سەنىمدى بولىپ وتىر. «مەملەكەتىڭىز داۋلاردى جانە كۇردەلى حالىقارالىق ماسەلەلەردى شەشۋدە ۇلكەن تاجىريبە جيناقتاعان. قازاقستان ءتۇرلى وڭىرلەردەگى احۋالعا ابدەن قانىق، مەنىڭشە، ق ر ءتوراعالىعى اسا تابىستى ءارى ءساتتى بولادى، ق ح ر، ر ف جانە باسقا دا الەمدىك دەرجاۆالاردىڭ وزەكتى حالىقارالىق ماسەلەلەردى شەشۋدەگى ۇيلەسىمدىلىگىن ارتتىرادى» ، - دەيدى ول.

ساراپشى قازاقستان ديپلوماتياسىنىڭ نەگىزگى تۇستارىن اتاپ كورسەتتى. «ەڭ اۋەلى، يننوۆاتسيالارعا ۇمتىلىپ جاتقانىن ايتۋ كەرەك. قازاقستان ازيادا ءوزارا ىقپالداستىق جانە سەنىم شارالارى كەڭەسىن شاقىرىپ، الەمدىك جانە ءداستۇرلى ءدىن باسشىلارى سەزىن ۇيىمداستىردى، ە ا ە و قۇرۋدى ۇسىندى، سونداي- اق وزگە دە ماڭىزدى باستامالاردىڭ ىسكە اسۋىنا مۇرىندىق بولدى. ەكىنشىدەن، تۇراقتى تۇردە بەلسەندىلىك پەن باستاماشىلىق تانىتىپ كەلەدى. پرەزيدەنت ن. نازاربايەۆ قايدا بارسا دا، سىرتقى الەمدەگى ارىپتەستەرىمەن ىنتىماقتاستىق جاساۋدىڭ بىردە- ءبىر مۇمكىندىگىن جىبەرىپ المايدى. ۇشىنشىدەن، جوعارى باعاعا لايىقتى ينكليۋزيۆتىلىك. قازاقستاننىڭ دوسى كوپ. رەسەيمەن دە، قىتايمەن دە، شەكتەس باسقا ەلدەرمەن دە وتە تىعىز دا بەرىك تاتۋ كورشىلىك قارىم- قاتىناستارىن ورناتقان. مەملەكەت ەۋرووداق جانە ا ق ش- پەن ىسكەرلىك بايلانىستارىن ءساتتى جۇرگىزىپ كەلەدى» ، - دەدى ول.

ياۋ پيشىڭ قازاقستان پرەزيدەنتىنىڭ قيىن- قىستاۋ كەزدەردە ۇتىمدى شەشىم قابىلداۋدىڭ حاس شەبەرى ەكەندىگىن ايتا كەلە، قازاقستان مەن قىتايدىڭ حالىقارالىق ارەنادا ءوزارا ءتيىمدى ىنتىماقتاستىق جاساپ كەلە جاتقانىن تىلگە تيەك ەتتى.

ساراپشى قازاقستاننىڭ يادرولىق قارۋدى تاراتپاۋ ىسىنە قوسقان سۇبەلى ۇلەسىنە دە توقتالدى. «تاۋەلسىزدىك العاننان كەيىن ەلىڭىز ءوز ىقتيارىمەن قۋاتى جاعىنان الەمدە 4- ورىندا تۇراتىن يادرولىق ارسەنالىنان باس تارتىپ، ءوزىن يادروسىز مەملەكەت دەپ جاريالادى» ، - دەدى قىتايلىق ديپلومات.

 ەسكە سالا كەتسەك، 2018 -جىلدىڭ قاڭتارىندا ب ۇ ۇ قاۋىپسىزدىك كەڭەسىنە قازاقستان ءتوراعالىق ەتۋدە. 18 - قاڭتاردا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ توراعالىعىمەن ب ۇ ۇ  ق ك مۇشەلەرىنىڭ جوعارى دەڭگەيدەگى «جاپپاي قىرىپ- جوياتىن قارۋدى تاراتپاۋ: سەنىم شارالارى» تاقىرىپتىق پىكىرسايىسى وتەدى.

 19 - قاڭتاردا «قاۋىپسىزدىك پەن دامۋدىڭ ءوزارا تاۋەلدىلىك ۇلگىسى رەتىندە اۋعانستان مەن ورتالىق ازياداعى وڭىرلىك ارىپتەستىكتى قۇرۋ» تاقىرىبىندا ب ۇ ۇ ق ك مينيسترلەر پىكىرسايىسى بولادى. وعان ورتالىق ازيا ەلدەرى جانە اۋعانستاننىڭ سىرتقى ىستەر مينيسترلەرى، سونداي- اق ب ۇ ۇ قاۋىپسىزدىك كەڭەسىنە مۇشە مەملەكەتتەردىڭ سىرتقى ساياسي ۆەدومستۆولارىنىڭ باسشىلارى قاتىسادى دەپ جوسپارلانىپ وتىر.