ەلباسى تاپسىرماسى: جاڭا ونكولوگيالىق ورتالىق قاي جەردە سالىنادى
ق ر دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا، جاڭا ونكولوگيالىق ورتالىق نازاربايەۆ ۋنيۆەرسيتەتى نەگىزىندە قۇرىلاتىن بولادى.
«قازىرگى كەزدە قاجەتتى جوبالاۋ قۇجاتتارىن ازىرلەۋ بويىنشا جۇمىستاردى جاساپ جاتىرمىز. ءبىرىنشى توقساننىڭ اياعىنا دەيىن قۇجاتتار دايىن بولادى. سودان كەيىن ۇكىمەت قارجىلاندىرۋ كولەمىن قولداۋى قاجەت. ءسويتىپ، نازاربايەۆ ۋنيۆەرسيتەتىنىڭ مەديتسينا ورتالىعى نەگىزىندە جاڭا ونكولوگيالىق ورتالىق قۇرىلادى»، - دەدى ە. ءبىرتانوۆ قازاقپارات تىلشىسىنە بەرگەن سۇحباتىندا.
ايتا كەتەيىك، پرەزيدەنت نۇرسۇلتان نازاربايەۆ بيىلعى جولداۋىندا عىلىمي ونكولوگيالىق ورتالىقتى قۇرۋ مىندەتىن بەلگىلەدى. «ونكولوگيالىق اۋرۋلارمەن كۇرەسۋ ءۇشىن كەشەندى جوسپار قابىلداپ، عىلىمي ونكولوگيالىق ورتالىق قۇرۋ قاجەت»، - دەلىنگەن «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى مەملەكەت باسشىسىنىڭ جولداۋىندا.
اۆتور: ارمان اسقاروۆ
