ق ر جانە ا ق ش پرەزيدەنتتەرىنىڭ كەلىسسوزدەرى اۋعانستان بويىنشا ديالوگتىڭ فورماتىن وزگەرتۋى مۇمكىن
مەملەكەتتىك باسقارۋ اكادەمياسى جانىنداعى ديپلوماتيا ينستيتۋتىنىڭ ديرەكتورى ءانۋار ايازبەكوۆ «قازاقپارات» ح ا ا تىلشىسىمەن سۇحباتتا وسىنداي پىكىر ايتتى.
«ساپاردىڭ باستى ماقساتى ءبىزدىڭ رەسپۋبليكا باسشىلىعى مەن ا ق ش- تىڭ جاڭا اكىمشىلىگى اراسىنداعى بايلانىستاردى نىعايتۋ، سونداي-اق قازاقستان مەن ا ق ش- تىڭ ساياسي، ەكونوميكالىق يستەبليشمەنتتەرى اراسىنداعى قارىم-قاتىناستى دامىتۋ بولىپ تابىلادى. ساراپشىلار قوعامداستىعىندا ازىرشە ساپاردىڭ تولىق باعدارلاماسى جوق. دەگەنمەن، باعدارلامانىڭ شىرقاۋ شەگى 16- قاڭتار كۇنى ۆاشينگتوندا ا ق ش پرەزيدەنتى دونالد ترامپپەن كەزدەسۋ بولاتىنى انىق.
مەنىڭشە، كەلىسسوزدەردىڭ قورىتىندىسى بويىنشا ەكىجاقتى قارىم-قاتىناستاردى ودان ءارى دامىتۋ جوسپارلارى تۋرالى بىرلەسكەن مالىمدەمە جاسالادى. يادرولىق قارۋدى تاراتپاۋ، سونداي-اق ەكونوميكالىق ىنتىماقتاستىقتى تەرەڭدەتۋگە نازار اۋدارىلادى دەگەن بولجام بار. ەرەكشە اتاپ وتەتىن جايت، ورتالىق ازيا ەلدەرى مەن ا ق ش اراسىنداعى «س5+1» ديالوگىنىڭ جاڭا فورماتى بويىنشا مالىمدەمە جاسالادى. سوڭعى كەزدە ەكى ەل دە اۋعانستانداعى احۋالدى تۇراقتاندىرۋعا باسا نازار اۋدارىپ وتىرعاندىقتان، اتالمىش فورمات «س5+1+1» نەمەسە «س6+1» فورمۋلاسى تۇرىندە وزگەرۋى مۇمكىن دەپ ويلايمىن»، - دەيدى ءا. ايازبەكوۆ.
ساراپشىنىڭ ايتۋىنشا، مەملەكەت باسشىسىنىڭ ب ۇ ۇ قاۋىپسىزدىك كەڭەسىنىڭ تاقىرىپتىق وتىرىسىندا سويلەيتىن ءسوزى يادرولىق قارۋدى تاراتپاۋ جانە يادرولىق قارۋسىزدانۋ ماسەلەلەرىنە ارنالادى. قازاقستاننىڭ الەمدىك ارەناداعى باسىمدىقتارىنىڭ ءبىرى يادرولىق قارۋدان تازا الەمگە قول جەتكىزۋ بولىپ تابىلادى ءارى وسى تەزيسكە ەلباسىنىڭ بايانداماسىندا باسا نازار اۋدارىلادى.
