گولوۆكيننىڭ باپكەرى «كانەلونىڭ» قۋلىعىن ايتتى

استانا. قازاقپارات - قازاقستاندىق بىلعارى قولعاپ شەبەرى گەننادي گولوۆكيننىڭ (37-0-1, 33 ك و) باپكەرى ابەل سانچەس Yahoo! Sports ينتەرنەت باسىلىمىنا بەرگەن سۇحباتىندا ونىڭ شاكىرتى ءبىرىنشى ايقاستا نەلىكتەن مەكسيكالىق ساۋل الۆارەستىڭ (49-1-2, 34 ك و) كەۋدە تۇسىنا شابۋىلداماعانىن ءتۇسىندىردى، دەپ جازادى Sports.kz.

«وتە تۇراقتى قارسىلاستىڭ كەۋدە تۇسىنا بەرىلگەن سوققىمەن سۇلاتۋ وڭاي ەمەس. قارسىلاس جۇگىرىپ جۇرسە - ول قيىن نىسانا. بىرنەشە راۋند بويى گەننادي «كانەلونىڭ» كەۋدەسىنە سوققى بەرۋگە ارەكەت جاسادى، ءبىراق تورەشى بەلگە ۇرماۋىن ەسكەرتىپ وتىردى.

«كانەلو» كەۋدە سوققىلارىنان جالتارۋ ءۇشىن وسىلاي قاشقاقتاپ ءجۇردى. بالكىم، ريەۆانشتا گولوۆكين كەۋدەدەن دۇرىسىراق سوققى بەرەتىن شىعار»، - دەيدى ابەل سانچەس.

ايتا كەتەيىك، ESPN Stats and Info بەرگەن مالىمەتتەرگە قاراعاندا، ءبىرىنشى جەكپە-جەكتە الۆارەس گولوۆكيننىڭ كەۋدە تۇسىنان 44 رەت سوققان، ال گەننادي نەبارى 8 سوققىسىن قارسىلاسىنىڭ كەۋدەسىنە دارىتا العان.