ابايداعى باسسەين قۇرىلىسىن ەۋرازيالىق توپ قارجىلاندىرادى
ول كومپانيا جۇمىس جاسايتىن ايماق اكىمدىكتەرىمەن بىرلەسە ىسكە اسىرىلادى، دەپ حابارلايدى قاراعاندى وبلىسى اكىمدىگىنىڭ باسپا ءسوز قىزمەتى.
«باعدارلاما ەۋرازيالىق توپ وتكىزگەن كەشەندى الەۋمەتتىك زەرتتەۋلەر نەگىزىندە ازىرلەنگەن. وڭىرلەردەگى ناقتى قاجەتتىلىكتەردى انىقتاۋ قورىتىندىسى بويىنشا قاراجات ەندىگى جەردە تەك جەرگىلىكتى تۇرعىندارعا قاجەتتى جوبالارعا باعىتتالادى. باعدارلاما ماقساتتارىنىڭ ءبىرى - جاس مامانداردى تۋعان قالالارىندا ءومىر سۇرۋگە جانە جۇمىس ىستەۋگە ىنتالاندىرۋ»، - دەلىنگەن كومپانيانىڭ باسپا ءسوز قىزمەتى تاراتقان اقپاراتتا.
اباي قالاسىندا جابىق باسسەين قۇرىلىسىن باستاۋ، قاراعاندىدا كورۋ قابىلەتى ناشارلاعان بالالارعا ارنالعان مەكتەپ- ينتەرنات قۇرىلىسىن اياقتاۋ جوسپارلانعان. سونىمەن قاتار كومپانيا ءوز قاراجاتى ەسەبىنەن « قىزىلجار-شۇباركول- ارشىن-قورعالجىن-استانا» اۆتوجولدارىن جوندەمەك. شۇباركول جانە بارشىن كەنتتەرىنىڭ ينفراقۇرىلىمىن دامىتۋعا قارجى قاراستىرىلعان.
2017-2018-جىلدارعا ارنالعان الەۋمەتتىك ماڭىزدى جوبالاردى جۇزەگە اسىرۋداعى ءوزارا ىنتىماقتاستىق تۋرالى ERG مەن قاراعاندى وبلىسىنىڭ اكىمدىگى اراسىندا جاسالعان مەموراندۋم اياسىندا جاڭاارقا اۋدانىنداعى قىزىلجار كەنتىنىڭ اكىمشىلىگىنە جول تالعامايتىن اۆتوكولىك تارتۋ ەتتى.
كومپانيا باسپا ءسوز قىزمەتىنىڭ اقپاراتىنا ساي، 2017-جىلى مەموراندۋمعا سايكەس، ERG ءوڭىردىڭ الەۋمەتتىك سالاسىن قولداپ 182,6 ميلليون تەڭگە باعىتتاعان. سونىڭ 41 ميلليون تەڭگەسى شۇباركول كەنتى قازاندىعىنىڭ جابدىقتارىن جوندەۋ مەن ونىڭ تۇراقتى جۇمىسىن قامستاماسىز ەتۋگە جۇمسالدى. 51 ميلليونى شاحتينسك قالاسى مەن شاحان ككەنتىندەگى تۇرعىن ۇيلەردىڭ قازاندىقتارىن جەكە شىعارۋعا بولىنگەن. سونىمەن قاتار، «شۇباركول كومىر» ا ق تەگىن 3000 توننا كومىر ءبولىپ، قىزىلجار كەنتىنىڭ تۇرعىندارىن كومىرمەن قامتاماسىز ەتتى.
«شۇباركول كومىر» اق ەۋرازيالىق توپ قۇرامىنا ەنەدى. وندىرىستىك قىزمەتىنىڭ باستى باعىتتارى: كومىردى اشىق ادىسپەن ءوندىرۋ. قىزمەتتىڭ باسقا دا تۇرلەرى - سپەتسكوكس ءوندىرۋ، كوكس گازىنان ەلەكتر قۋاتىن ءوندىرۋ. كاسىپورىندا 2800 ادام ەڭبەك ەتەدى.
ERG - كاسىپورىندارى قازىپ شىعارۋ، وڭدەۋ، ەنەرگەتيكا، لوگيستيكا جانە ماركەتينگ سالالارىندا تولىق بىرىكتىرىلگەن، تابيعي قورلاردى وڭدەيتىن الەمدەگى ەڭ ءىرى ءارتاراپتاندىرىلعان كومپانيالاردىڭ ءبىرى بولىپ تابىلادى. ءتورت قۇرلىقتا ورنالاسقان 14 ەلدە ەۋرازيالىق توپتىڭ كاسىپورىندارى مەن بيزنەستى دامىتۋ جوبالارى جۇمىس ىستەۋدە. باسقارۋشى كومپانيانىڭ باس كەڭسەسى ليۋكسەمبۋرگتە ورنالاسقان. ERG - قازاقستاننىڭ تاۋ-كەن، مەتاللۋرگيا سالاسىنىڭ ۇشتەن ءبىرىن قۇرايدى.
