قازۇۋ سيفرلىق ءداۋىر سىنىنا جاۋاپ بەرۋگە دايىن - عالىم مۇتانوۆ

الماتى. قازاقپارات - ءال- فارابي اتىنداعى قازاق ۇلتتىق ۋنيۆەرسيتەتىندە قازاقستان پرەزيدەنتىنىڭ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى حالىققا جولداۋى تالقىلاندى، دەپ حابارلايدى قازاقپارات ءتىلشىسى.

 ۋنيۆەرسيتەت ۇجىمى سيفرلىق ەكونوميكا جاعدايىنداعى ادامي كاپيتالدىڭ قالىپتاسۋىنا باعىتتالعان شەشۋشى قادامداردى باعدارلادى.

ۋنيۆەرسيتەت قوعامداستىعى مۇشەلەرى ەلباسى جولداۋىن قازاقستاننىڭ ودان ءارى جاڭعىرۋى بويىنشا جۇيەلى شارالاردى ايقىنداپ بەرگەن بىرەگەي باعدارلاما رەتىندە ۇلكەن قۇلشىنىسپەن جانە ىقىلاسپەن قابىل الدى.

قازۇۋ رەكتورى عالىم مۇتانوۆتىڭ ايتۋىنشا، ۋنيۆەرسيتەتتەر ادامي كاپيتالدىڭ قالىپتاسۋىنداعى ماڭىزدى سۋبەكتىلەر رەتىندە ونىڭ جاڭا ساپاسىن قامتاماسىز ەتۋى كەرەك جانە قازاقستاندىق قوعام جاڭعىرۋىنىڭ قوزعاۋشى كۇشىنە اينالۋى ءتيىس.

وسى باعىتتا وقۋ ورنى «Al-Farabi University smart city»  جوباسى اياسىندا جاڭا ۇرپاق ۋنيۆەرسيتەتىنىڭ ۇلگىسىن جۇزەگە اسىرۋدا.

 «ءتورتىنشى ونەركاسىپتىك ريەۆوليۋتسيا - الەمدە قالىپتاسقان ترەند. وسى ۋاقىتقا دەين قولدانىپ كەلگەن قوندىرعى، ستانوكتار وزگەرىپ جاڭا دەڭگەيگە شىعىپ جاتىر. ۋاقىت تالابىنان شىعا ءبىلۋ ماڭىزدى. قازاق ۇلتتىق ۋنيۆەرسيتەتى الدىڭعى قاتارلى ۇلتتىق ۋنيۆەرسيتەت رەتىندە ءبىرقاتار جوبا جۇزەگە اسىرىپ جاتىر. بۇل ەكى جوبا دا حالىقارالىق دەڭگەيدە جوعارى باعاسىن الدى. ەلباسىنىڭ قولداۋىمەن جوعارى دەڭگەيدەگى، قۇنى 10 ميلليون دوللار بولاتىن سۋپەركومپيۋتەر الىپ وتىرمىز. بۇل تەحنيكا بيىل العاشقى جارتىجىلدىقتا كەلەدى. قىتاي رەسپۋبليكاسىنىڭ گرانتى نەگىزىندە. وسىنىڭ نەگىزىندە ІТ تەحنوپاركى جاسالادى. جاڭا ورتالىق بۇكىل رەسپۋبليكا بويىنشا كۇردەلى ۇلكەن دەرەكتەر بويىنشا جاساندى ينتەلللەكت جوباسى رەتىندە جوعارى دەڭگەيگە كوتەرىلەتىنىنە سەنىمدىمىز. ءبىز ءوز تاراپىمىزدان ۇلكەن ورىن دايىنداپ جاتىرمىز»، - دەدى ول.

 ІТ- تەحنوپاركىندە عىلىمي زەرتحانالار جۇمىسى، ديزاين زەرتحانالارى، D3 پرينتينگ، يننوۆاتسيالىق شەبەرحانالار، كوۆوركينگ- ورتالىق پەن «IGeneration» بيزنەس- ينكۋباتور شوعىرلانعان ءبىرىڭعاي كلاستەر ورنالاساتىن بولادى. بۇل وندىرىستىك يندۋستريانىڭ ۋنيۆەرسيتەتتەرمەن جوعارى وندىرىستىك اقپاراتتىق- كوممۋنيكاتسيالىق تەحنولوگيالاردى قۇراستىرۋعا، سيليكون ايماق سىندى جوعارى تەحنولوگيالار ايماعىن قۇرۋعا مۇمكىندىك بەرەدى.

رەكتوردىڭ ايتۋىنشا، بيىل ەكىنشى سەمەستردەن باستاپ جەكە ІТ فاكۋلتەتى قۇرىلدى.

 جاڭا فاكۋلتەتتە سۋپەركومپيۋتەرلىك تەحنولوگيا بازاسىندا مالىمەتتەردى وندەۋ ورتالىعى، Big DATA سالاارالىق زەرتحاناسى جانە بلوكچەين زەرتحاناسى قاراستىرىلعان. قازاقستاننىڭ ءداستۇرلى بازالىق ونەركاسىپ يندۋسترياسىنا ءىرى ІТ - كومپانيالاردى جانە شەتەلدىك ج و و- لار - سەرىكتەستەردى ءبىلىم بەرۋ ۇدەرىسىنە تارتا وتىرىپ، «مول مالىمەتتەرمەن» الماسىپ ІТ - مامانداردى دايىنداۋ وندىرىستىك ۇردىستەردى اۆتوماتتاندىرۋ، روبوتتاندىرۋ، جاساندى ينتەللەكت ەلەمەنتتەرىن قولدانۋ سالالارى بويىنشا جۇزەگە اسىرىلادى. جولداۋدى جۇزەگە اسىرۋداعى ۋنيۆەرسيتەتتىڭ جول كارتاسى اياسىندا D3- پرينتينگ، ونلاين- ساۋدا، موبيلدى بانكينگ، دەنساۋلىق ساقتاۋ جانە ءبىلىم بەرۋدەگى سيفرلى قىزمەت - كەلەشەگى زور ونەركاسىپتەردى دامىتۋعا كادرلاردى دايىنداۋعا باعىتتالعان جاڭا ءبىلىم بەرۋ باعدارلامالارىن ەنگىزۋ قاراستىرىلعان. بۇل سيفرلىق ءداۋىر جاعدايىندا ەلدىڭ جاڭا يندۋسترياليزاتسيالانۋ قاجەتتىلىگىنە ءبىلىم بەرۋ جۇيەسىن بەيىمدەۋگە قوسقان قازۇۋ- دىڭ ناقتى ۇلەسى بولماق.

قازۇۋ العاش رەت تمد كولەمىندە «تسيفرلىق قازاقستان» رەسپۋبليكالىق باعدارلاماسى اياسىندا سيفرلىق ۋنيۆەرسيتەت ۇلگىسىن جاسادى جانە ج و و قىزمەتىن اۆتوماتتاندىرۋدا بۇلتتىق تەحنولوگيالاردى، كامپۋس ينفراقۇرىلىمىن باسقارۋدا Smart تەحنولوگيالاردى ءارى تالدامالى جۇيە قالىپتاستىرۋ ءۇشىنBig Data تەحنولوگيالارىن ەنگىزدى.

 باعدارلامالىق جاساقتامانىڭ ءىرى ءوندىرۋشىسى - «Microsoft» كومپانياسىنىڭ جوعارى ءبىلىم بەرۋدىڭ IT تۇعىرناماسى دامۋىنىڭ يننوۆاتسيالىق ۆەكتورىن قالىپتاستىرۋدا ارىپتەس رەتىندە قازۇۋ- دى تاڭداعان.

 قازۇۋ قازاقستاندا تۇڭعىش رەت جاپپاي اشىق ونلاين كۋرستارىن باستادى. بۇل ءوز كەزەگىندە اشىق ءبىلىم بەرۋدىڭ ۇلتتىق تۇعىرناماسىن ىسكە قوسۋعا مۇمكىندىك بەردى. اتالعان تۇعىرناما قازاقستاندىق ج و و- لاردىڭ باسەكەگە قابىلەتتىلىگىن ارتتىرۋعا ىقپال ەتەدى.

 «ە- كامپۋس» جوباسى بازاسىندا ۋنيۆەرسيتەتتىڭ تەحنولوگيالىق تۇعىرناماسىنىڭ قالىپتاسۋىنا

 «Hewlett-Packard», «Cisco», «Koniсa Minolta», «Fujitsu», «Samsung», «Alcatel», Microsoft, Intel, Huawei

«كاسپەرسكي زەرتحاناسى»  سىندى عىلىمي- ءبىلىم بەرۋ ورتالىقتارى تىڭ قارقىن بەردى. ق ح ر عىلىم اكادەمياسىنىڭ قاشىقتىقتان زوندتاۋ جانە سيفرلىق جەر ينستيتۋتىمەن (RADI) بىرگە جەردى زوندتاۋدىڭ سيفرلاندىرۋ ورتالىعى قۇرىلعان. گونكونگ (شياڭگاڭ)  پوليتەحنيكالىق ۋنيۆەرسيتەتىمەن بىرلەسە تەحنولوفت يندۋستريا 4.0 - عىلىمي- ءبىلىم بەرۋ زەرتحاناسىن قۇرۋ بويىنشا جۇمىس باستالدى.

 پرەزيدەنت اتاپ وتكەندەي، سيفرلىق ءداۋىر جاعدايىندا ەلدىڭ جاڭا يندۋستريالانۋىندا باستى ماڭىزدىلىق - كادرلىق قامتاماسىز ەتۋ بولماق. وسىعان وراي قازۇۋ- دا اعىمداعى وقۋ جىلىنىڭ ەكىنشى سەمەسترىنەن باستاپ- اق اقپاراتتىق تەحنولوگيالار فاكۋلتەتى قۇرىلا باستايدى.

اۆتور: گۇلميرا عوسمانالي