سىرداريا وزەنىنەن كەلەر قاۋىپتىڭ بەتى قايتتى

قىزىلوردا. قازاقپارات - بۇعان دەيىن ءبىرشاما قاۋىپ توندىرگەن سىرداريا ارناسى مۇز قاتا باستاعالى قالىپتى جاعدايعا كوشتى. قازاقپارات ءتىلشىسى ارال- سىرداريا باسسەيندىك ينسپەكتسياسى ماماندارىنا جولىعىپ بۇگىنگى احۋالدى بىلگەن ەدى.

 ينسپەكتسيا ماماندارىنىڭ ايتۋىنا سۇيەنسەك، بۇگىندە باس قويما سانالاتىن قىرعىز اعايىنداردىڭ جەرىندەگى توقتاعۇلدا 17 ميلليارد 100 ميلليون تەكشە مەتر سۋ جينالىپ تۇر. ودان تومەن قاراي سەكۋندىنا 676 تەكشە مەتر بوساتىلۋدا. شارداراداعى بۇگىنگى سۋ قورى 2 ميلليارد تەكشە مەتردى قۇرايدى. بۇل ءالى دە 3 ميلليارد تەكشە مەتردەن استام سۋ الۋ مۇمكىندىگى بارىن كورسەتەدى. وعان سەكۋندىنا 785 تەكشە مەتر سۋ كەلسە، تومەن قاراي 700 تەكشە مەتر تۇسۋدە. كوكساراي سۋ رەتتەگىشى سەكۋندىنا 300 تەكشە مەتر سۋ قابىلداپ جاتىر. قازىردە وندا 900 ميلليون تەكشە مەتر سۋ تۇر. بۇل دا سۋ رەتتەگىشتىڭ قابىلداۋ مۇمكىندىگى ءالى دە جوعارى ەكەنىن كورسەتەدى. ارىس وزەنىنەن دارياعا 46 تەكشە مەتر سۋ قوسىلۋدا.

 وسى كۇندەرى  قىزىلوردا سۋ تورابىنان سەكۋندىنا 510 تەكشە مەتر سۋ وتۋدە. دارياداعى مۇزدىڭ قالىڭدىعى ازىرگە 10-12 سانتيمەتردى قۇرايدى. سۋ مۇز استىمەن ءجۇرىپ جاتقاندىقتان قاۋىپ جوق، - دەيدى ماماندار.