ورالدا اتتى پوليتسەيلەر كولىك ۇرلاۋشىنى ۇستادى

ورال. قازاقپارات - ورالدا اتتى پوليتسەيلەر اۆتوكولىكتى ايداپ كەتكەن ۇرىنى ۇستادى، دەپ حابارلايدى «قازاقپارات» ءتىلشىسى.

ورال قالالىق ىشكى ىستەر باسقارماسى جەرگىلىكتى پوليتسيا قىزمەتىنىڭ اعا ينسپەكتورى، پوليتسيا مايورى دينارا ءابدىلقالىقوۆانىڭ ايتۋىنشا، وقيعا 14- قاڭتار كۇنى ساعات 12.00 شاماسىندا زاچاگان كەنتىندە بولعان.

قىزمەت بابىمەن جۇرگەن جول- پاترۋلدىك پوليتسيا باتالونى اتتى ۆزۆودىنىڭ قىزمەتكەرلەرى، پوليتسيا اعا سەرجانتى حاميت سەيتقاليەۆ پەن پوليتسيا سەرجانتى نۇربەك راحىمجانوۆقا «بالاۋسا» شاعىناۋدانىنان جاسىل ءتۇستى ۆاز-2106 كولىگىنىڭ ايداپ اكەتىلگەنى جونىندە حابار تۇسكەن. ساقشىلار سول بويدا قىلمىس بولعان ماڭعا بەت الىپ، كوپ ۇزاماي اۆتوكولىك پەن ودان شىعا قاشقان ەر ادامدى بايقايدى.

ح. سەيتقاليەۆ پەن ن. راحىمجانوۆ بۇرىن بىرنەشە رەت سپيرتتىك ىشىمدىك ىشكەنى ءۇشىن جاۋاپقا تارتىلعان ورال قالاسىنىڭ 1978 -جىلعى تۇرعىنىن ۇستادى.

 قازىرگى كەزدە ق ر  ق ك 200-بابىنا سايكەس قىلمىستىق ءىس قوزعالىپ، تەرگەۋ امالدارى جۇرگىزىلۋدە.

اۆتور: ەلجان ەرالى