ا ق ش- تىڭ بۇرىنعى ەلشىسى ەلباسىنىڭ ۆاشينگتونعا ساپارىنىڭ ماڭىزى تۋرالى ايتتى

استانا. قازاقپارات - ا ق ش- تىڭ قازاقستانداعى بۇرىنعى ەلشىسى ريچارد حوگلەند پرەزيدەنت نۇرسۇلتان نازاربايەۆتىڭ امەريكاعا ساپارى نە ءۇشىن ماڭىزدى بولاتىنى تۋرالى پىكىرىمەن ءبولىستى، دەپ حابارلايدى «قازاقپارات» ح ا ا ءتىلشىسى قازاقستان رەسپۋبليكاسى پرەزيدەنتىنىڭ تەلەراديوكەشەنىنە سىلتەمە جاساپ.

«پرەزيدەنت نۇرسۇلتان نازاربايەۆتىڭ ورتالىق ازيا ەلدەرى ىشىندەگى ءبىرىنشى پرەزيدەنت رەتىندە ۆاشينگتونعا كەلىپ، وندا پرەزيدەنت دونالد ترامپپەن كەزدەسەتىنىنە قۋانىشتىمىن. نازاربايەۆ سەكىلدى كەلەر كۇندى بولجاي بىلەتىن ادامنىڭ بولاشاقتىڭ كۇن ءتارتىبىن بەلگىلەۋى وتە ماڭىزدى»، - دەيدى ريچارد حوگلەند.