ۋكرايناداعى شاڭعى جارىسىندا قازاقستاندىقتار بارلىق جۇلدەلى ورىنداردى جەڭىپ الدى

استانا. قازاقپارات - ۋكراينادا ءوتىپ جاتقان شاڭعى جارىسىندا قازاقستاننىڭ ەرلەر قۇراماسى بارلىق جۇلدەلى ورىنداردى جەڭىپ الدى، دەپ حابارلايدى قازاقپارات ق ر شاڭعى سپورتى فەدەراتسياسىنىڭ باسپا ءسوز قىزمەتىنە سىلتەپ.

جارىس ۋكراينانىڭ تىسوۆەتس قالاسىندا حالىقارالىق شاڭعى فەدەراتسياسىنىڭ ۇيىمداستىرۋىمەن ءوتىپ جاتىر.

قازاقستان ۇلتتىق قۇراماسىنىڭ قۇرامىندا ەرلەر جانە ايەلدەر توبىنان 13، بالالار قۇراماسىنان 8 سپورتشى قاتىسۋدا.

جارىستىڭ العاشقى كۇنى ايەلدەر اراسىسندا 10 شاقىرىم، ەرلەر اراسىندا 15 شاقىرىم قاشىقتىقتا ەركىن ءجۇرىس بويىنشا جارىس ءوتتى.

ەرلەر توبىندا جۇلدەلى ءۇش ورىننىڭ بارلىعىن قازاقستاندىق سپورتشىلار يەلەندى. ءبىرىنشى ورىندى ۆيتالي پۋحكالو يەلەنسە، ولجاس كليمين ەكىنشى ورىن، ال دەنيس ۆولوتكا ءۇشىنشى ورىن الدى. اقمولالىق نيكولاي چەبوتكو ءتورتىنشى ورىنعا جايعاستى.

ال ايەلدەر اراسىندا شۋچينسك قالاسىنىڭ سپورتشىسى تيۋلەنيەۆا ۆالەريا ءبىرىنشى ورىنعا يە بولدى. ەكىنشى ورىندى ۋكراينالىق مارينا انتسىبور يەلەنسە، پاۆلودارلىق اننا شيەۆچەنكو جۇلدەلى ءۇشىنشى ورىنعا يە بولدى.

اۆتور: كۇنسۇلتان وتارباي