استانادا باۋكەسپە ۇرى ۇستالدى

استانا. قازاقپارات - ەلوردالىق پوليتسەيلەر الاياقتىق، ۇرلىق جاسادى جانە اۆتوموبيل ۇرلادى دەگەن كۇدىكتىنى ۇستادى، دەپ حابارلايدى «قازاقپارات» ح ا ا استانا ءى ءى د باسپا ءسوز قىزمەتىنە سىلتەمە جاساپ.

«جەدەل-ىزدەستىرۋ شارالار كەشەنىن وتكىزۋ بارىسىندا استانا ءى ءى د سارىارقا اۋداندىق ىشكى ىستەر باسقارماسىنىڭ پوليتسەيلەرى پاتەر توناۋ، الاياقتىق، اۆتوكولىك ۇرلاۋ فاكتىلەرىنە كۇدىكتى جەرگىلىكتى تۇرعىندى ۇستادى»، - دەلىنگەن حابارلامادا.

11- قاڭتار كۇنى 10:00-دەر شاماسىندا كۇدىكتى ەسىگى اشىق تۇرعان پاتەرگە كىرىپ، جەكە زاتتاردى قولدى ەتكەن. كەلتىرىلگەن زياننىڭ كولەمى 300 مىڭ تەڭگەنى قۇرايدى.

10- قاڭتار كۇنى كەشكىسىن دۇكەن ماڭىندا وتكىنشى ادامنان بىرەۋگە قوڭىراۋ شالايىن دەپ تەلەفونىن الىپ، زىتىپ وتىرعان.

بۇدان تىس، جانگەلدين كوشەسىندەگى ءۇيدىڭ اۋلاسىندا تۇرعان «Volkswagen Passat» ماركالى اۆتوموبيلدى ۇرلاپ كەتكەن. سونداي-اق پوتانين كوشەسىندەگى ءۇيدىڭ اۋلاسىندا تۇرعان اۆتوماشينانىڭ سالونىنداعى زاتتاردى ۇرلاماق بولعان.

بارلىق فاكتىلەر سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى. سوتقا دەيىنگى تەرگەۋ ءجۇرىپ جاتىر.

كۇدىكتى بۇرىن دا وسى تاقىلەتتەس قىلمىستار جاساعانى ءۇشىن سوتتالعان بولىپ شىقتى. ول استانا ءى ءى د ۋاقىتشا ۇستاۋ وقشاۋلاعىشىنا جىبەرىلدى.

پوليتسيا ونىڭ قالا اۋماعىنداعى وسىعان ۇقساس باسقا دا قىلمىستارعا قاتىسى بار-جوعىن تەكسەرىپ جاتىر.