ا ق ش- تا قازاقستاندىق بوكسشى قاتىسقان جەكپە- جەك وتكىزىلمەدى دەپ ەسەپتەلدى

استانا. قازاقپارات - قازاقستاندىق بوكسشى باحتيار ەيۋبوۆ پەن امەريكالىق موريس چالمەرستىڭ جەكپە- جەگى وتكىزىلمەدى دەپ تانىلدى. كەزدەسۋ جارتىلاي ورتا سالماق ليميتىندە ءوتۋى ءتيىس بولعان.

بوكسشىلار سالماق ولشەۋ ءراسىمىن دە ءساتتى وتكىزگەن ەدى. جەكپە- جەك التى راۋندقا جوسپارلانعان. الايدا BoxRec سايتىندا جەكپە- جەكتىڭ ناتيجەسى NC (No contest) دەپ كورسەتىلگەن، بۇل كەزدەسۋدىڭ وتكىزىلمەدى دەپ تانىلعانىن بىلدىرەدى.

 باستارىنىڭ سوعىلىپ قالۋىنان ەيۋبوۆتىڭ قارسىلاسىنىڭ قاباعى جارىلعاندىقتان، دارىگەر جەكپە- جەكتى توقتاتۋ كەرەكتىگىن ايتقان. ءسويتىپ رەفەري جەكپە- جەكتى توقتاتىپ، وتكىزىلمەدى دەپ ەسەپتەلەتىنىن حابارلاعان. قازاقستاندىق بوكسشى وتكىزىلمەدى دەپ ەسەپتەلگەن جەكپە- جەگىنە قاتىستى پىكىرىن ايتتى.

 «جاعدايىم وتە جاقسى. جەكپە- جەكتىڭ قالاي وتكەنىن كورەرمەندەردىڭ بارلىعى كوردى. نوكاۋتقا تۇسىرەيىن دەپ ەدىم، قارسىلاسىمدى قۇلاتۋىما از قالعان ەدى. ول مەنىڭ كۇشىمە قارسى تۇرا المادى، ءسويتىپ باسىن تومەن سالا بەردى. ماڭدايىما سوعىلىپ، قاباعى جارىلدى. سونىڭ الدىندا اۋىر سوققى الدى. مىنە، ءبىتتى دەپ ويلادىم. جەڭىستى ماعان نەگە بەرمەگەندەرىن تۇسىنبەدىم. مەن باسىمدىق تانىتتىم. بارلىعى كوردى، ءوزىم دە امەريكالىقتىڭ قازىر قۇلايتىنىنا سەنىمدى بولدىم. وكىنىشتى، ەرەجە سونداي. مەن ءوزىم تەحنيكالىق نوكاۋتپەن جەڭدىم دەپ ەسەپتەيمىن. ادىلەتسىزدىك بولدى. ونى جاقسىلاپ قالتىراتتىم» -  دەدى جەكپە- جەكتەن سوڭ ەيۋبوۆ.

 پورتالدىڭ مالىمەتىنشە، ولاردىڭ جەكپە- جەگى بوكس كەشىنىڭ باستى كەزدەسۋى كلارەسسا شيلدس -  توري نەلسون كەزدەسۋىنىڭ اندەركارتىنا ەنگىزىلگەن.

 اقپارات كوزى: Vesti.kz