ورالدا بالاۋىز مۇسىندەر كورمەسى اشىلدى

استانا. قازاقپارات - وبلىستىق تاريحي- ولكەتانۋ مۋزەيىنە كەلۋشىلەر بەلگىلى ساياساتكەرلەر مەن تاريحي تۇلعالاردىڭ جانە ايگىلى اكتەرلەردىڭ بەينەلەرىن تاماشالاي الادى.

  سونىمەن قاتار ءتۇرلى مۋلتفيلمدەر مەن ەرتەگى الەمىنىڭ كەيىپكەرلەرى دە قويىلعان. رەسەيدىڭ سانكت- پەتەربۋرگ قالاسىنان كەلگەن كورمە بالالاردى عانا ەمەس، ەرەسەكتەردى دە ەرەكشە تاڭقالدىردى. 40-قا جۋىق ەكسپوناتتىڭ قاتارىندا مايك تايسون مەن پەلە سىندى تانىمال سپورتشىلار، سونداي- اق «ساقينالار ءامىرشىسى»، «اۆاتار» ، «جۇلدىزدى سوعىستار» سەكىلدى ۇزدىك كينوتۋىندىلارىنىڭ كەيىپكەرلەرى دە بار.

بالاۋىز مۇسىندەر تاريحى XVII عاسىردان باستاۋ الادى. سول كەزەڭدە ەۋروپادا العاش رەت مونارحتاردىڭ مۇسىندەرىن جاساۋ سانگە اينالعان ەكەن. ال تيۋسسو حانىمنىڭ ايگىلى مۋزەيى لوندوندا XIX عاسىردىڭ ورتاسىندا اشىلعان.

رايسا پۋتيلينا، كورمە اكىمشىسى /سانكت- پەتەربۋرگ، ر ف/:

- مۇسىندەردىڭ باسى مەن قولدارى بالاۋىزدان جاسالادى. ال كەۋدەسى سيليكون نەمەسە جەڭىل شىنى پلاستيكتەن تۇرادى. شاشتارىنىڭ ءار تالىن ارنايى ينەنىڭ كومەگىمەن جاپسىرادى، بۇل -  وتە قيىن ءارى شىدامدىلىقتى تالاپ ەتەتىن جۇمىس. ناعىز پروتەزدەن دايىندالاتىن كوزدى ورنالاستىرۋعا وفتالمولوگتار، ال تىستەرىن قوندىرۋعا ستوماتولوگ ماماندار كومەكتەسەدى.

 ايدا عازەزوۆا، وقۋشى:

 - بۇل كورمەدە ورىستىڭ، اعىلشىننىڭ جانە شەتەلدىكتەردىڭ انشىلەرى مەن اۆتورلارى بار. ول بىزگە ساباقتا دا كومەكتەسەدى جانە دە مۋلتفيلمدەر مەن كينولاردان عانا كورەتىن كەيىپكەرلەردى قازىر شىن سەكىلدى كورىپ تۇرمىن. مىسالى، گارري پوتتەر، دجەك ۆوروبەي، تاعى باسقالارى.

www.24.kz