10:28, 14 - قاڭتار 2018 | GMT +5
گاۆاي تۇرعىندارىنا زىمىران سوققىسى تۋرالى جالعان حابار بەرىلگەن
استانا. قازاقپارات - گاۆاي ارالدارىنىڭ تۇرعىندارىنا جەرگىلىكتى ۋاقىتپەن تاڭعى سەگىزدە زىمىران سوققىسى تۋرالى جالعان حابار بەرىلگەن. ارالدىقتاردىڭ ۇيالى تەلەفوندارىنا تارالعان SMS- حابارلامالاردا وسىنداي ءماتىن بولعان،
دەپ حابارلايدى بەلتا.
مۇنىمەن قويماي، ەسكەرتۋ حابارى تەلەۆيدەنيە ارقىلى دا بەرىلگەن. تۇرعىنداردان بومباپانالارعا تىعىلۋدى سۇرادى. الايدا كوپ كەشىكپەي توتەنشە جاعدايلار جونىندەگى اگەنتتىك قاتە اقپارات بەرىلگەنى تۋرالى مالىمدەمە جاسادى. بيلىك وكىلدەرى گاۆايلىقتارعا ءتونىپ تۇرعان زىمىران قاۋىپى جوق ەكەنىنە سەندىرۋمەن الەك. تۇرعىندارعا ەندى كۇندەلىكتى شارۋاسىمەن اينالىسا بەرۋگە بولاتىنى ايتىلىپ جاتىر.
