ن. نازاربايەۆ پەن بۋشتىڭ كەزدەسۋىندە تۇسىرىلگەن ۆيدەو جاريالاندى
1992-جىلدىڭ 18-20- مامىر ارالىعىندا قازاقستان پرەزيدەنتى امەريكا قۇراما شتاتتارىنا تۇڭعىش رەسمي ساپارمەن باردى. ساپار بارىسىندا نۇرسۇلتان نازاربايەۆ ا ق ش پرەزيدەنتى دجوردج بۋشپەن، مەملەكەتتىك حاتشى دجەيمس بەيكەرمەن جانە وزگە دە مينيسترلەر، سەناتورلار جانە كاسىپكەرلەرمەن كەزدەستى.
العاشقى ساپار اياسىندا قازاقستان مەن ا ق ش ۇكىمەتى اراسىنداعى ءوزارا تۇسىنىستىك مەموراندۋمىنا، كاپيتال سالۋدى قولداۋ مەن ءوزارا قورعاۋ تۋرالى كەلىسىمگە، ساۋدا قاتىناستارى تۋرالى كەلىسىمگە جانە باسقا دا قۇجاتتارعا قول قويىلعان.
بۇعان دەيىن اقوردا نۇرسۇلتان نازاربايەۆتىڭ 1992-جىلعى ا ق ش- قا ءبىرىنشى رەسمي ساپارىندا تۇسىرىلگەن مۇراعاتتاعى ۆيدەونى جاريالاعان بولاتىن.
ەسكە سالا كەتەيىك، قازاقستان پرەزيدەنتى نۇرسۇلتان نازاربايەۆ ا ق ش پرەزيدەنتى دونالد ترامپپەن ۆاشينگتوندا 2018-جىلدىڭ 16-قاڭتارىندا كەزدەسەدى. مەملەكەت باسشىسى ا ق ش- تا 18- قاڭتارعا دەيىن بولادى. سونىمەن قاتار، 18- قاڭتاردا قازاقستان پرەزيدەنتى ب ۇ ۇ قاۋىپسىزدىك كەڭەسىنىڭ قارۋ قولدانۋدى جاپپاي جويۋعا ارنالعان بريفينگىنە قاتىسادى.
