قازاقستاندا قۇقىقتىق اقپاراتتىڭ ءبىرىڭعاي جۇيەسى ەنگىزىلدى
«قازاقستان رەسپۋبليكاسىنىڭ زاڭناماسىن ەلەكتروندى تۇردە شوعىرلاندىرۋ جانە ونى ەتالوندىق ءارى انىقتامالىق اقپارات تۇرىندە ۇسىنۋ ماقساتىندا ءبىرىڭعاي قۇقىقتىق اقپارات جۇيەسى (ب ق ا ج) ەنگىزىلدى. ول ءۇشىن نورماتيۆتىك-قۇقىقتىق اكتىلەردىڭ ەتالوندىق باقىلاۋ بانكىنىڭ اقپاراتتىق جۇيەسى مەن «ادىلەت» جۇيەسى بىرىكتىرىلدى»، - دەلىنگەن حابارلامادا.
ءبىرىڭعاي جۇيەنىڭ فۋنكتسيونالدىق مۇمكىندىكتەرى قاجەتتى قۇجاتتاردى وسى اقپاراتتىق جۇيەلەردىڭ قايسىسىنان بولسا دا ىزدەۋ مۇمكىندىگىن بەرەدى.
«ءبىرىڭعاي قۇقىقتىق اقپارات جۇيەسىنىڭ ىسكە قوسىلۋىنا بايلانىستى «ادىلەت» اقپاراتتىق-قۇقىقتىق جۇيەسىنىڭ ينتەرفەيسىنە وزگەرىس ەنگىزىلدى جانە قولدانۋ مۇمكىندىكتەرى ارتتىرىلدى. تىركەلگەن پايدالانۋشىلاردىڭ نورماتيۆتىك-قۇقىقتىق اكتىلەردىڭ ماتىنىنە پىكىر بىلدىرۋىنە جانە باعالاۋىنا جول اشىلدى»، - دەپ كورسەتىلەدى حابارلامادا.
جۇيەگە zan.gov.kz بەلگىسى ارقىلى كىرۋگە بولادى.
