الماتىدا كونكي جانە شاڭعى تەبۋدى تەگىن ۇيرەنۋگە بولادى

استانا. قازاقپارات - الماتىدا كونكي جانە شاڭعى تەبۋدى تەگىن ۇيرەنۋگە بولادى، دەپ حابارلايدى قازاقپارات اقپاراتتىق جانە سپورتتىق حابقا سىلتەمە جاساپ.

14- قاڭتاردا «سپورتتىق الماتى» باعدارلاماسى اياسىندا كونكيمەن سىرعاناۋدى تەگىن ۇيرەتۋ ساباقتارى باستالادى. تاجىريبەلى نۇسقاۋشىلار ساعات 17:00 دەن 20:00 گە دەيىن «مارت» ساۋدا ورتالىعى جانە دۋبوك ىقشام اۋدانىنداعى تسەنترالنايا كوشەسى 8گ- دا ورنالاسقان تەگىن مۇز ايدىندارىنا كەلگەن كونكي تەبۋشىلەردى تەگىن ۇيرەتۋگە ءازىر.

سونىمەن قاتار، 15- قاڭتاردان باستاپ 1-11-سىنىپ وقۋشىلارىن شاڭعى تەبۋمەن تەگىن ۇيرەتۋ ساباقتارى وتەدى.

وقىتۋ ساباعىنىڭ ۋاقىتى بەس كۇنگە سوزىلادى، كۇنىنە 1 ساعات (دۇيسەنبى- جۇما). كەرەك جابدىقتار قوسىمشا تەگىن بەرىلەدى.

ءار توپتا 10 بالادان دايىندالادى. وتەتىن ورىندارى مەن باستالۋى: «PIONEER» (ءبىرىنشى اۋىسىم 10:00 دە جانە ەكىنشى اۋىسىم 16:00 دە)، «شىمبۇلاق» (10:00 جانە 16:00) جانە «زۆەزدنايا پوليانا» (09:30 دان 17:30 عا دەيىن).

ايتا كەتۋ كەرەك تەگىن ساباقتار «سپورتتىق الماتى» باعدارلاماسى اياسىندا ۇيىمداستىرىلۋدا، ول - قالاداعى بۇقارالىق سپورتتى دامىتۋعا باعىتتالعان.