الەمدەگى ەڭ ەگدە فۋتبولشى كومانداسىمەن كەلىسىمشارتىن ۇزارتتى

استانا. قازاقپارات - الەمدەگى ەڭ ەگدە فۋتبولشى - جاپون كادزۋيوسي ميۋرا. فۋتبولمەن ءالى كۇنگە دەيىن كاسىبي تۇردە اينالىسىپ جۇرگەن ويىنشى جاقىندا عانا «يوكوگاما» كومانداسىمەن كەلىسىمشارتىن ءبىر ماۋسىمعا ۇزارتتى،

 دەپ حابارلايدى Vesti.kz.

جاپون ازاماتى 26 - اقپان كۇنى 51 جاسقا تولادى. فۋتبولداعى مانسابىن 1986 - جىلى برازيليانىڭ «سانتوس» كومانداسى ساپىندا باستاعان. 1994 -جىلى «دجەنوا» كومانداسىندا ۋاقىتشا ويناعان. ول - يتاليا چەمپيوناتىندا ويناعان العاشقى جاپون فۋتبولشىسى.

 كادزۋيوسي ميۋرا جاپونيا چەمپيوناتىنىڭ ەكىنشى ديۆيزيونىنداعى يوكوگاما كومانداسىمەن كەلىسىمشارتىن جىل سوڭىنا دەيىن ۇزارتتى. وتكەن ماۋسىمدا شابۋىلشى 12 ويىنعا قاتىسىپ، 1 گول سوقتى. سپورتتىق مانسابىندا تەك 11- ءنومىرلى جەيدەمەن ويناپ كەلەدى. فۋتبولشى جاپونيا ۇلتتىق قۇراماسى ساپىندا دا ويناعان. ونداعى مانسابىن 17 جىل بۇرىن اياقتاعان. 1992 -جىلى ۇلتتىق قۇرامامەن ازيا كۋبوگىندا جەڭىمپاز اتانعان.

www.24.kz