ايەل كۇيەۋىنىڭ ەكىنشى رەت ۇيلەنىپ العانىن تەلەديداردان بىلگەن
بۇل تۋرالى Daily Mail باسىلىمىنا سىلتەپ Stan.kz حابارلايدى.
حەلەن تەلەديداردى قوسىپ، ءوزىنىڭ 39 جاستاعى كۇيەۋىن وزگە ايەلمەن بىرگە كورگەن. دەنيەل 44 جاستاعى سيۋ برۋكەردى ءوزىنىڭ ايەلى رەتىندە تانىستىرعان.
« قىزىم ەكەۋمىز تەلەشوۋ كورىپ وتىرعانبىز، كەنەت ول: «اكەمىز باسقا ايەلمەن بىرگە تەلەديداردا ءجۇر»، - دەپ ايقايلادى. بالامنىڭ كوزىنشە جىلاپ جىبەرمەيىن دەپ باسقا بولمەگە كەتىپ قالدىم»، - دەيدى حەلەن.
دەنيەل سيۋ ەسىمدى ەكىنشى ايەلىنە وسىدان ءبىر جىل بۇرىن دۋبايدا ۇيلەنگەن بولىپ شىقتى. الايدا حەلەنگە ول 1998 -جىلى ۇيلەنگەن. ەكەۋىنىڭ ورتاق 16 جاستاعى قىزدارى بار.
كۇيەۋى بىرنەشە جىلدان بەرى شەت مەملەكەتتەرگە بارىپ- كەلىپ جۇمىس ىستەگەن. دەگەنمەن ول ايەلىمەن اجىراسپاستان، ەكىنشى رەت ۇيلەنىپ العانىن جاسىرمايدى.
دەنيەلدىڭ قۇپياسى جايلى حەلەن سەزىپ جۇرگەندى. توي سۋرەتتەرىن تاۋىپ العاندا ول رەسمي نەكەگە تۇرماعانىن ايتىپ اقتالعان. ءتىپتى سيۋمەن ايىرىلىسقانىن ايتىپ، ءبىرىنشى ايەلىنە قايتا تابىسۋعا ۇسىنىس جاساپتى.
اقىرىندا ەكى ايەل دە ونى تاستاپ، پوليتسياعا شاعىمداندى. دەنيەل 6 اي اباقتىدا جاتتى.
