14:58, 12 - قاڭتار 2018 | GMT +5
وڭ رۋلدى كولىكتەردىڭ يمپورتىنا تىيىم سالىندى
ەرەۆان. قازاقپارات - ارمەنيا ۇكىمەتى وتىرىستا وڭ جاق رۋلدى اۆتوموبيلدەردى تىركەۋگە جانە ونىڭ يمپورتىنا تىيىم سالۋ تۋرالى قاۋلى قابىلدادى.
شەكتەۋ 2018-جىلدىڭ 1- ساۋىرىندە كۇشىنە ەنەدى، دەپ حابارلايدى «قازاقپارات» ح ا ا مەنشىكتى ءتىلشىسى.
ارمەنيا ۇكىمەتى وتىرىسىنىڭ كۇن تارتىبىندە ارمەنيادا 1- ساۋىردەن باستاپ وڭ جاق رۋلدى اۆتوموبيلدەردى تىركەۋگە جانە ونىڭ يمپورتىنا تىيىم سالۋ ماسەلەسى قارالدى. قاۋلى جوباسىن ارمەنيا كولىك، بايلانىس جانە اقپاراتتىق تەحنولوگيالار ءمينيسترى ۆاان مارتيروسيان ۇسىندى.
«2018-جىلدىڭ 1- ساۋىرىنەن باستاپ وڭ جاق رۋلدىك باسقارۋ جۇيەسى بار اۆتوموبيلدەردى تىركەۋگە جانە پايدالانۋعا تىيىم سالۋ قاراستىرىلعان. بۇل شەكتەۋ 1- ساۋىرگە دەيىن اكەلىنگەن اۆتوموبيلدەرگە قاتىستى ەمەس. ولاردى ەسەپكە الۋعا رۇقسات ەتىلگەن»، - دەپ مالىمدەدى ۇكىمەتتىڭ وتىرىسىندا مينيستر ۆاان مارتيروسيان.
