قار قۇرساۋىندا قالىپ قويعان پويىز جولاۋشىلارى ۆاگونداردا تۇنەدى

استانا. قازاقپارات - جاپونيادا بەيسەنبى كۇنى نيگاتا قالاسىنان ناگاوكۋعا جول تارتقان جۇزدەگەن پويىز جولاۋشىلارى قاردىڭ قالىڭ ءتۇسۋى سالدارىنان قار قۇرساۋىندا قالىپ، ۆاگونداردا تۇنەلتتى. ولار جۇما كۇنى تاڭەرتەڭ دە سول جەردە وتىر، دەپ حابارلايدى «قازاقپارات» ح ا ا ت ا س س- قا سىلتەمە جاساپ.

ساندزە قالاسىنىڭ اۋماعىندا قالىپ قويعان پويىزدا 600 ادام بار. قۇرام ءار ستانسياعا دەيىن 300 مەتر قاشىقتىقتى قۇرايتىن ەكى ستانسيانىڭ ورتاسىندا قالىپ وتىر. جولاۋشىلار تۇندە كوشەگە شىقپاي، ۆاگوندا تۇنەدى. ۆاگوندار جارىقپەن، جىلۋمەن جانە دارەتحانامەن قامتاماسىز ەتىلگەن. تۋىستارى كۇتىپ العان جولاۋشىلار عانا پويىزدان ءتۇسىپ كەتكەن، قازىر قۇرامدا شامامەن 430 ادام بار.

 JR East كومپانياسى تەمىرجول وپەراتورىنىڭ وكىلدەرى جولاۋشىلارعا تەك تاڭعىسىن سۋ مەن تاماق جەتكىزگەن. سونىمەن قاتار، بىرنەشە ادام دەنساۋلىعىنىڭ سىر بەرگەنىنە شاعىمدانىپ، اۋرۋحاناعا جەتكىزىلگەن. JR East جولدى تازالاۋ جۇمىستارىن جالعاستىرىپ جاتىر.

بۇل جۇما كۇنى تۇندە قار قۇرساۋىندا قالىپ قويعان جالعىز پويىز ەمەس. تاعى ءۇش قۇرام ستانسيالاردا تۇر، ولاردىڭ جولاۋشىلارى ۆاگونداردا وتىر. الايدا، ونداعى ادامدار سانى بەلگىسىز.