قازاقستاندا اۋا رايىنا بايلانىستى كەيبىر جول باعىتتارى ءالى جابىق

استانا. قازاقپارات - اۋا رايىنا بايلانىستى پاۆلودار، قاراعاندى وبلىستارىنداعى تراسسالار مەن استانادان شىعاتىن كەيبىر جولدار جابىق، دەپ حابارلايدى قازاقپارات «قازاۆتوجول» ج ش س- نە سىلتەمە جاساپ.

ۆەدومستۆو سايتىنىڭ حابارلاۋىنشا، پاۆلودار مەن قاراعاندى وبلىستارىندا بوراننىڭ سالدارىنان جولدىڭ كورىنبەۋىنە بايلانىستى بارلىق جول باعىتتارى جابىق جانە بارلىق كولىك تۇرلەرى ءۇشىن قوزعالىس شەكتەلگەن.

سونىمەن قاتار استانا قالاسىنان شىعاتىن بىرنەشە باعىتتا جول جابىق. اتاپ ايتقاندا، استانا پاۆلودار وبلىسىنىڭ شەكاراسى (استانا- ەرەيمەنتاۋ- شىدەرتى باعىتىنىڭ 16-205 ك م)، استانا - نۇرا اۋىلى (استانا- كابانباي باتىر 16-51 ك م)، استانا - قورعالجىن اۋىلى (استانا- كورگالجىن باعىتىنىڭ 19-180 ك م)، استانا- نۇرا اۋدانى (استانا- قابانباي باتىر 16-51 ك م)، استانا- قاراعاندى وبلىسىنىڭ شەكاراسى (ەكاتەرينبۋرگ- الماتى تراسساسىنىڭ 1275-1353 ك م).