08:34, 12 - قاڭتار 2018 | GMT +6
اكىمشىلىك پوليتسيا: جۇرگىزۋشىلەردىڭ كولىك قوزعالىسىن وزدىگىمەن رەتتەۋى - قاۋىپتى
استانا. قازاقپارات - ق ر ءى ءى م اكىمشىلىك پوليتسيا كوميتەتىنىڭ باسپا ءسوز حاتشىسى يرينا لۋكيانينا كولىك قوزعالىسى قيىنداعان جولداردا كەي جۇرگىزۋشىلەردىڭ قوزعالىستى ەرىكتى تۇردە رەتتەۋىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«كوشە قيىلىستارىندا قوزعالىستى رەتتەۋدى ءوز قولىنا الاتىن ازاماتتارعا كوپشىلىكتىڭ ەلجىرەپ قاراۋى دۇرىس ەمەس. بۇل ەرىكتى-رەتتەۋشى ءۇشىن دە، كوشە قيىلىسىنداعى بارلىق اۆتوجۇرگىزۋشىلەر ءۇشىن دە قاۋىپتى. ءدال وسىنداي «رەتتەۋ» سالدارىنان جول-كولىك وقيعاسى ورىن السا، جولدان وتكەن جاياۋ جۇرگىنشىنى كولىك قاعىپ كەتسە، كىم كىنالى بولادى، جاۋاپكەرشىلىك كىمگە ارتىلادى؟ بۇل ەش قالجىڭ ەمەس»، - دەپ جازدى ول Facebook جەلىسىندە.
باسپا ءسوز حاتشىسى ازاماتتاردان «ويلانباي قادام جاساۋدان» اۋلاق بولۋدى ءوتىندى. «ىستەن شىققان باعدارشام تۋرالى 102 تەلەفونىنا حابارلاۋ كەرەك جانە قيىلىستان وتكەندە باسىمدىققا يە جول بەلگىلەرىنە سۇيەنگەن ءجون»، - دەپ اتاپ ءوتتى ول.
