اقتوبەدە مەملەكەتتىك قۇپيا قۇجاتتاردى ۇيىندە ساقتاعان پوليتسيا باسشىسى تۇتقىندالدى

اقتوبە. قازاقپارات - اقتوبەدە وبلىسىندا اۋداندىق ىشكى ىستەر ءبولىمىنىڭ باستىعى مەملەكەتتىك قۇپيا قۇجاتتاردى ساقتادى دەگەن كۇدىكپەن تۇتقىندالىپ، تەرگەۋ يزولياتورىنا قامالدى، دەپ حابارلايدى قازاقپارات ءتىلشىسى.

اقتوبە وبلىسى مارتوك اۋداندىق ىشكى ىستەر ءبولىمىنىڭ باستىعى ەۆگەني لازاريەۆ قاماۋعا الىندى. ۇلتتىق قاۋىپسىزدىك كوميتەتىنىڭ وبلىستىق دەپارتامەنتى مەن وبلىستىق پروكۋراتۋرا تەرگەۋشىلەرى كۇدىكتىنى كۇزەتپەن ۇستاۋ تۇرىندەگى بۇلتارتپاۋ شاراسىن سانكتسيالاۋ تۋرالى №2 اقتوبە قالالىق سوتىنا ءوتىنىشحات ءتۇسىردى.

«سوتقا دەيىنگى تەرگەپ- تەكسەرۋ ورگانىمەن ە. ۆ. لازاريەۆقا ق ر ق ك- ءنىڭ 185-بابى، 3-بولىگىمەن، 287-بابىنىڭ 3-بولىگىمەن («مەملەكەتتىك قۇپيالاردى زاڭسىز جيناۋ، تاراتۋ، جاريا ەتۋ» ، «قارۋدى، وق- دارىلەردى، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» ) كوزدەلگەن قىلمىستىق قۇقىق بۇزۋشىلىق بويىنشا كۇدىككە ىلىگىپ وتىر. اقتوبە قالاسىنىڭ №2 سوتى ە. ۆ. لازاريەۆقا قاتىستى 2-اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىن سانكسيالادى»، - دەپ حابارلادى اقتوبە وبلىستىق سوتىنىڭ باسپا ءسوز قىزمەتىنەن.