الاياقتار قايرات نۇرتاستىڭ فيلمىن جەلىگە زاڭسىز جۇكتەپ جىبەرگەن

 استانا. قازاقپارات - قايرات نۇرتاستىڭ «ارمان/كوگدا انگەلى سپيات» فيلمىن بەلگىسىز بىرەۋلەر رۇقساتسىز جەلىگە جۇكتەپ جىبەرگەن.

كينوكارتينانى نەبارى بىرنەشە ساعاتتا 125 مىڭ ادام تاماشالاپ ۇلگەرىپتى. الايدا پيراتتىق نۇسقا بولعاندىقتان، KN پروديۋسەرلىك ورتالىعى فيلمدى بۇعاتتاپ تاستاعان، دەپ حابارلايدى Stan.kz ءتىلشىسى.

«كوگدا انگەلى سپيات» فيلمى عالامتورعا جۇكتەلگەن سوڭ، اۆتورلىق قۇقىق يەلەرى ونى بۇعاتتاپ تاستادى. سەبەبى كينوكارتينانىڭ پيراتتىق نۇسقاسى زاڭسىز جۇكتەلگەن»، - دەپ ءتۇسىندىردى فيلم رەجيسسەرى راشيد سۇلەيمەنوۆ.

رەجيسسەر نە سەبەپتى فيلمنىڭ جەلىدەن الىنىپ تاستالعانىن ءتۇسىندىردى. سونداي- اق، قىزىعۋشىلىق تانىتقان كورەرمەنگە العىس ايتتى.

«بۇل فيلم ءالى دە قىرعىزستان مەن رەسەيدىڭ كەي ايماقتارىندا كورسەتىلىپ جاتىر. سوندىقتان دا قۇقىق يەسى KN Production كارتينانى عالامتوردان الىپ تاستادى. دەگەنمەن بىرنەشە ساعات ىشىندە فيلمدى 125 مىڭ ادام تاماشالاپ ۇلگەرىپتى. دەمەك كورەرمەننىڭ سۇرانىسى بار. دوستار، فيلمگە قىزىعۋشىلىق تانىتقاندارىڭىزعا راقمەت، تاعى ءبىراز شىداساڭىزدار، پروديۋسەرلەر تۋىندىنى YouTube كە اقپان ايىندا جۇكتەۋگە ۋادە بەردى»، - دەيدى ول.