11:58, 11 - قاڭتار 2018 | GMT +5
ۇكىمەت اۋىلدى ساپالى اۋىز سۋمەن قامتۋعا ەرەكشە كوڭىل بولمەك
استانا. قازاقپارات - ۇكىمەتتىڭ بۇگىنگى وتىرىسىندا ق ر پرەمەر-ءمينيسترى باقىتجان ساعىنتايەۆ اۋىلدى مەكەندەردى ساپالى اۋىز سۋمەن قامتۋ شارالارىنا قاراجاتتى ءتيىستى دەيگەيدە ءبولۋدى تاپسىردى، دەپ حابارلايدى قازاقپارات ءتىلشىسى.
«اۋىل شارۋاشىلىعى مينيسترلىگى ينۆەستيتسيالار جانە دامۋ مينيسترلىگىمەن، ۇلتتىق ەكونوميكا مينيسترلىگىمەن جانە وبلىس اكىمدەرىمەن بىرگە اۋىلدى مەكەندەردى ساپالى اۋىز سۋمەن قامتۋ ماقساتىندا جىل سايىن بارلىق قارجى كوزدەرىنەن، كەم دەگەندە، 100 ميلليارد تەڭگە بولۋگە قاتىستى شارالاردى قولعا الۋى قاجەت. بۇل جۇمىسقا ءومىرزاق ەستاي ۇلى (اۋىل شارۋاشىلىعى ءمينيسترى - اۆت.) جاۋاپتى بولادى»، - دەپ اتاپ كورسەتتى ب. ساعىنتايەۆ.
ايتا كەتەيىك، بۇگىنگى وتىرىسىندا ۇكىمەت باسشىسى بيىلعى جولداۋدا كورسەتىلگەن ءاربىر ون باسىمدىق بويىنشا جەكە-جەكە تاپسىرما بەردى. سونىڭ ىشىندە قازاقستاندىقتاردى باسپانامەن قامتۋ كورسەتكىشىن ارتتىرۋ مىندەتى دە بار.
اۆتور: ارمان اسقاروۆ
