قازاقستان ەلشىسى ريم پاپاسىمەن كەزدەستى
سونداي-اق ول قاسيەتتى تاقتىڭ مەملەكەتتىك حاتشىسى كاردينال پەترو پارولين مەن قاسيەتتى تاقتىڭ حالىقارالىق قاتىناستار بويىنشا حاتشىسى كاردينال پول ريچارد گاللاحەرمەن كەزدەستى.
ءىس-شارا بارىسىندا ەلشى ريم پاپاسى فرانسيسكىمەن كەزدەسۋ وتكىزدى. قازاقستاندىق ديپلومات ريم پاپاسىنا ۆاتيكاننىڭ استانادا وتكەن «ەكسپو-2017» حالىقارالىق كورمەگە قاتىسقانى، سونىمەن قاتار، ەلىمىزدىڭ الەمدە توزىمدىلىك، بەيبىتشىلىك پەن كەلىسىم باستامالارىن جان-جاقتى قولداۋى ءۇشىن العىس ءبىلدىردى.
پونتيفيك ءوزىنىڭ قاسيەتتى تاعىنىڭ جانىندا اككرەديتتەلگەن ديپلوماتيالىق كورپۋستىڭ الدىندا ءسوز سويلەۋ بارىسىندا ادام قۇقىقتارى، جۇمىسسىزدىق، كوشى-قون، بوسقىندار، سونداي-اق سيريا، ۋكراينا، يراك، يەمەن، اۋعانستان، تاياۋ شىعىس جانە افريكاداعى قاقتىعىستار تۋرالى اتاپ ءوتتى.
ريم پاپاسىنىڭ ايتۋىنشا، حالىقتار اراسىنداعى كەز-كەلگەن داۋلار قارۋ-جاراقپەن ەمەس، كەلىسسوزدەر ارقىلى شەشىلۋى ءتيىس. وسىعان وراي، ونىڭ قاسيەتتىلىگى بۇكىل الەم دەرجاۆالارىن كورەيا تۇبەگىندەگى شيەلەنىستى ازايتۋدى جانە يادرولىق قارۋعا قارسى زاڭنامالىق تىيىم سالۋ تۋرالى ديالوگقا قولداۋ كورسەتۋدى تالاپ ەتتى.
ءىس ساپار شەڭبەرىندە وتاندىق ەلشىسى پەترو پارولين مەن پول ريچارد گاللاحەرمەن كەلىسسوزدەر وتكىزدى. كەزدەسۋلەر بارىسىندا ەكىجاقتى ىنتىماقتاستىقتىڭ اعىمداعى جاعدايى مەن ونىڭ بولاشاعى، ۆاتيكاننىڭ سەزگە قاتىسۋى، قازاقستاننىڭ ب ۇ ۇ قاۋىپسىزدىك كەڭەسىندەگى ءىس-ارەكەتى جانە تاعى دا باسقا حالىقارالىق تاقىرىبتىڭ وزەكتى ماسەلەلەرى تالقىلاندى.
