پاۆلودارداعى بەيىمدەلۋ ورتالىعى قاڭعىباستارعا لىق تولى
بۇل تۋرالى ورتالىق ديرەكتورى سەرىك نۇرعوجين ءمالىم ەتتى، دەپ حابارلايدى pavlodarnews.kz.
«بەيىمدەۋ ورتالىعىندا تۇراقتى مەكەنجايى جوق 104 ادام بار ەدى»، - دەيدى سەرىك نۇرعوجين. - ونىڭ 22 سى ايەل ادام بولسا، 82 سى ەر ادام. ەندى تاعى ءتورت ادام قوسىلىپ، كورسەتكىش 108 گە جەتتى. ەڭ جاسى 30 دا، ەڭ ۇلكەنى 83 جاسقا تولادى. 2017 -جىلى جۇگىنگەن 283 ادامنىڭ 46 سى ايەل ادام، 237 سى ەر ادام. 2016 -جىلى ءۇيى-كۇيى جوق جۇرگەن 308 ادامعا كومەك كورسەتىلگەن بولاتىن. ولاردىڭ اراسىندا ەرلەردىڭ سانى باسىم - 243، قالعان 65 ى ايەل ادام».
1999 -جىلدىڭ قازان ايىنان بەرى جۇمىس ىستەپ جاتقان ورتالىق 100 ادامعا عانا شاقتالعان. سەرىك ءنۇرعوجيننىڭ سوزىنە سۇيەنسەك، مۇندا كوبىنەسە ءوزىنىڭ تۇراقتى باسپاناسى جوق، ىشىمدىككە سالىنىپ كەتۋى سالدارىنان وتباسىنان ايىرىلعان، ەشبىر قۇجاتتارى جوق جاندار ءجيى كەلەدى.
سونىمەن قاتار، بالالارىنىڭ اكە- شەشەلەرىن كۇتۋگە جاعدايى بولماعاندا ەگدە جاسقا كەلگەن جاندار وسىندا كەلىپ باس ساۋعالايدى.
ايتا كەتەيىك، جاڭاجىلدىق مەرەكە كۇندەرى بەيىمدەلۋ ورتالىعى سەگىز قاڭعىباستى قابىلداعان.
