استانادان بەس باعىتقا جول جابىق

استانا. قازاقپارات - كۇشتى بۇرقاسىننىڭ سالدارىنان استانادان بەس باعىتقا شىعاتىن جولدار جابىلدى، دەپ حابارلايدى قازاقپارات» ح ا ا «قازاۆتوجول» ج ش س- نە سىلتەمە جاساپ.

ۆەدوموستۆونىڭ مالىمەتىنشە، پاۆلودار، قاراعاندى، وبلىستارى شۋچينسك قالاسى مەن قورعالجىن كەنتىنە دەيىن، قوستاناي وبلىسى باعىتى بويىنشا جاكسى ەلدى مەكەنىنە دەيىنگى تاسجولداردا كولىك قوزعالىسى توقتاتىلدى.

اتاپ ايتقاندا، استانا- پاۆلودار وبلىسىنىڭ شەكاراسىنا دەيىن (استانا- ەرەيمەنتاۋ- شىدەرتى باعىتىنىڭ 16-205 ك م)، استانادان قورعالجىن اۋىلىنا دەيىن (استانا- قورعالجىن كەنتى جولىنىڭ 19-180 ك م)، استانادان نۇرا اۋىلىنا دەيىن (استانا- قابانباي باتىر جولىنىڭ 16-51 ك م)، استانادان شۋچينسكىگە دەيىن (استانا- پەتروپاۆلوۆسك باعىتىنىڭ 18-231 ك م)، استانادان قاراعاندى وبلىسىنىڭ شەكاراسىنا دەيىن (ەكاتەرينبۋرگ- الماتى تراسساسىنىڭ 1275-1353 ك م) جانە جاقسى اۋىلىنان استاناعا دەيىنگى (ەكاتەرينبۋرگ- الماتى تراسساسىنىڭ 915-1247 ك م) جول بولىكتەرى جابىق.

اقتوبە وبلىسىندا اقتوبە وبلىسىنىڭ شەكاراسى مەن ايتەكە ءبي قالاسىنىڭ شەكاراسى ايماعىندا (سامارا- شىمكەنت اۆتوجولىنىڭ 1240-1474 ك م) كولىك قۇرالدارى ءۇشىن جول جابىق.

قاراعاندى وبلىسىندا ساتپايەۆ پەن ۇلىتاۋ اۋىلىنا دەيىنگى (جەزقازگان- پەتروپاۆلوۆسك تراسساسىنىڭ 24-138 ك م) بولىگىندە كولىك قۇرالدارىنىڭ قوزعالاسىنا شەكتەۋ قويىلدى.

بارلىق كولىك قۇرالدارى ءۇشىن قوزعالىس توقتاتىلدى.

اۋا رايىنا بايلانىستى ەسكەرتۋ 11 -قاڭتاردا قازاقستاننىڭ 6 وبلىسىندا جاريالاندى. ولاردىڭ اراسىندا اقمولا مەن قاراعاندى وبلىستارى دا بار.