جامبىل وبلىسى اكتيۆىنە جاڭا اكىم تانىستىرىلدى
دەپ حابارلايدى primeminister.kz.
وتىرىس بارىسىندا پرەمەر- مينيستر باقىتجان ساعىنتايەۆ مەملەكەت باسشىسىنىڭ وبلىس ءماسليحاتىنىڭ دەپۋتاتتارىنا باعىتتالعان، جامبىل وبلىسىنىڭ اكىمى قىزمەتىنە اسقار مىرزاحمەتوۆتى تاعايىنداۋ تۋرالى ۇسىنىسى جازىلعان حاتتى وقىپ بەردى. دەپۋتاتتار پرەزيدەنتتىڭ ۇسىنعان كانديداتۋراسىن ءبىراۋىزدان قولدادى.
بۇدان كەيىن ق ر پرەمەر- ءمينيسترى باقىتجان ساعىنتايەۆ پەن پرەزيدەنت اكىمشىلىگىنىڭ باسشىسى ادىلبەك جاقسىبەكوۆ جامبىل وبلىسىنىڭ اكتيۆىمەن كەزدەسىپ، جيىن بارىسىندا جاڭا اكىمدى تانىستىردى.
پرەمەر- مينيستر باقىتجان ساعىنتايەۆ بۇرىنعى وبلىس اكىمى كارىم كوكىرەكبايەۆقا بىرلەسىپ اتقارعان جۇمىس ءۇشىن العىس ايتتى. تانىستىرۋ بارىسىندا پرەمەر- مينيستر اسقار مىرزاحمەتوۆتىڭ ءتۇرلى جاۋاپتى باسشىلىق لاۋازىمدارداعى مول تاجىريبەسىن اتاپ ءوتىپ، جاڭا باسشىلىققا مەملەكەت باسشىسىنىڭ قازاقستان حالقىنا ارنالعان ء«تورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن ىسكە اسىرۋ بويىنشا ءبىرقاتار ناقتى مىندەتتەر قويدى.
سونداي- اق، وبلىس اكتيۆىمەن كەزدەسۋ بارىسىندا «قازفوسفات» ج ش س باس ديرەكتورى، ەڭبەك ەرى مۇقاش ەسكەندىروۆ، جامبىل وبلىسىنىڭ قوعامدىق كەڭەس ءتوراعاسى جاندار كارىبايەۆ ءسوز سويلەدى.
