14:14, 10 - قاڭتار 2018 | GMT +5
قورعاس ارقىلى قىمبات توندار مەن تەلەفونداردى وتكىزبەك بولعاندار ۇستالدى
استانا. قازاقپارات - قازاقستان-قىتاي شەكاراسىندا ۇيالى تەلەفوندار مەن تەرى بۇيىمدارىنىڭ ءىرى پارتياسىنىڭ جولى كەسىلدى، دەپ حابارلايدى «قازاقپارات» ح ا ا ق ر ۇ ق ك شەكارا قىزمەتىنە سىلتەمە جاساپ.
«قورعاس» وتكىزۋ بەكەتىنىڭ جاساعى قازاقستاننىڭ 40 جاستاعى ازاماتشاسىن ۇستادى. ول حالىقارالىق شەكارالىق ىنتىماقتاستىق ورتالىعىنان قازاقستانعا كوپ مولشەردەگى ۇيالى تەلەفونداردى زاڭسىز كىرگىزبەك بولعان. تەكسەرىس بارىسىندا ودان 396 دانا «Xiaomi» ماركالى تەلەفوندار تابىلعان.
سونىمەن قاتار ءدال وسى باعىتپەن كەلە جاتقان، تەرى بۇيىمدارىن زاڭسىز كىرگىزبەك بولعان قازاقستاننىڭ 29 جاستاعى تۇرعىنى دا ۇستالدى. وندا 8 قاراكۇزەن تەرىسىنەن جاسالعان تون بار ەكەنى انىقتالدى.
اتالعان فاكتىلەر بويىنشا ءتيىستى ورگاندارعا حابار بەرىلدى.
