جالعان مەملەكەتتىك ءنومىردى قولدانعان كوكشەتاۋلىقتىڭ باسى بالەگە قالدى

كوكشەتاۋ. قازاقپارات - جالعان مەملەكەتتىك ءنومىردى قولدانعان كوكشەتاۋلىق تۇرعىن اكىمشىلىك جاۋاپكەرشىلىككە تارتىلدى، دەپ حابارلايدى قازاقپارات ءتىلشىسى.

ءى ءى د باسپا ءسوز قىزمەتىنىڭ مالىمەتى بويىنشا 2018 -جىلدىڭ 4 -قاڭتارىندا وبلىس ورتالىعىنداعى كوشەلەردىڭ ءبىرىنىڭ قىيلىسىندا ورناتىلعان بەينەكامەراعا وزگە كولىكتىڭ مەملەكەتتىك ءنومىرى سالىنعان «Toyota» اۆتوكولىگى ءتۇسىپ قالعان. كەيىن تەكسەرىس بارىسىندا انىقتالعانداي اتالعان ءنومىر بەلگىسى وزگە «گاز 310290» اۆتوكولىگىنە تيەسىلى بولىپ شىقتى.

قاڭتاردىڭ 8- كۇنى كوكشەتاۋ قالالىق ءى ءى ب جەدەل باسقارۋ ورتالىعىنىڭ ينسپەكتورلارى جول قوزعالىسىن باقىلاۋ كەزىندە گوركي كوشەسىنىڭ بويىندا جوعارىدا ايتىلعان مەملەكەتتىك ءنومىردى تاققان «Porsche Cayennە» كولىگىن بايقاپ قالعان. وسىعان وراي، جول-پاترۋلدىك پوليتسيا باتالونىنىڭ قىزمەتكەرلەرى اتالعان كولىكتى اۋەزوۆ جانە كالينين كوشەلەرىنىڭ قىيلىسىندا توقتاتىپ تەكسەرەدى. وسى كەزدە، كولىكتى تىزگىندەگەن كوكشەتاۋ قالاسىنىڭ 28 جاستاعى تۇرعىنىنىڭ قولىندا كولىك جۇرگىزۋشى كۋالىگىمەن بىرگە وزگە دە ءتيىستى قۇجاتتاردىڭ بولماعانى انىقتالادى.

قازىرگى كەزدە، كولىك ايىپ الاڭىنا قويىلىپ، جۇرگىزۋشىنىڭ ۇستىنەن ق ر ا ق ب ك 590-بابىنىڭ 3-بولىگى، 590-بابىنىڭ 4-بولىگى، 612-بابىنىڭ 3-بولىگى بويىنشا حاتتاما تولتىرىلدى. ءىس ماتەريالدارى كوكشەتاۋ قالالىق سوتقا جولداندى.

جالپى، كوكشەتاۋ قالاسىندا ورناتىلعان ينتەللەكتۋالدى بەينەكامەرالار ارقىلى وتكەن جىلدىڭ قورىتىندىسى بويىنشا 3183 جول ءجۇرۋ ەرەجەسى بۇزىلعانى انىقتالدى.

ونىڭ ىشىندە 1555 رەت قىزىل سىزىقتان، 793 باعدارشامنىڭ قىزىل تۇسىنەن ءوتىپ كەتۋ، 835 رەت جىلدامدىقتى شامادان اسىرۋ وقيعاسى تىركەلدى. كولىك جۇرگىزۋشىلەرىنە 45 ميلليون تەڭگەدەن استام ايىپپۇل سالىندى.