قازاقستاندا العاش رەت «ەلەكتروندى قىلمىستىق ءىس» قارالدى
ءىس ماتەريالدارىنا سۇيەنسەك، سوتتالۋشى ا. 2017 -جىلعى 20 -جەلتوقساندا ساعات 16.00-دەر شاماسىندا بوتەننىڭ مۇلكىن جىمقىرۋ ماقساتىندا جابىرلەنۋشىنىڭ ۇيىنە كىرىپ، قۇنى 30000 تەڭگە تۇراتىن جىلىتقىشتى ۇرلاپ، وقيعا ورنىنان بوي تاسالاعان.
باستى سوت تالقىلاۋى بارىسىندا تاراپتار تاتۋلاستى.
سوت جابىرلەنۋشىمەن تاتۋلاسىپ، زالالدىڭ ورنىن تولتىرۋىنا بايلانىستى ا. -نى قىلمىستىق جاۋاپتىلىقتان بوساتتى. قىلمىستىق ءىس جۇرگىزۋ توقتاتىلدى.
قىلمىستىق ءىستى ەلەكتروندى نىساندا جۇرگىزۋ تەرگەۋ مەرزىمىن قىسقارتىپ، ماتەريالداردى بۇرمالاۋ ىقتيمالدىعىن ازايتىپ، ءىس قۇجاتتارىنا ونلاين رەجيمدە قول جەتكىزۋ مۇمكىندىگىن ارتتىرىپ، دالەلدەردى جيناۋ جانە پروتسەستىك قۇجاتتاردى دايىنداۋ ءراسىمىن جەڭىلدەتەدى.
ەسكە سالا كەتەيىك، 2017 -جىلعى 21 -جەلتوقساندا قازاقستان رەسپۋبليكاسىنىڭ قىلمىستىق- پروتسەستىك كودەكسىنە قىلمىستىق سوت ءىسىن قاعاز جانە ەلەكتروندى تۇردە جۇرگىزۋگە مۇمكىندىك بەرەتىن «قىلمىستىق سوت ءىسىن جۇرگىزۋ فورماتى» اتتى 42-1-باپ ەنگىزىلدى.
