قازاق ءتىلىن حالىقارالىق دەڭگەيگە جاقىنداتۋ كەرەك - ق ر پرەزيدەنتى
بۇل جايىندا بۇگىن رەسپۋبليكالىق باسىلىمداردا جاريالانعان ق ر پرەزيدەنتى نۇرسۇلتان نازاربايەۆتىڭ قازاقستان حالقىنا ارنالعان جولداۋىندا ايتىلعان، دەپ حابارلايدى قازاقپارات.
«قازاقستاندىقتاردىڭ بولاشاعى - قازاق، ورىس جانە اعىلشىن تىلدەرىن ەركىن مەڭگەرۋىندە. ورىس ءتىلدى مەكتەپتەر ءۇشىن قازاق ءتىلىن وقىتۋدىڭ جاڭا ادىستەمەسى ازىرلەنىپ، ەنگىزىلۋدە. ەگەر ءبىز قازاق ءتىلى عۇمىرلى بولسىن دەسەك، ونى ءجونسىز تەرمينولوگيامەن قيىنداتپاي، قازىرگى زامانعا لايىقتاۋىمىز قاجەت. الايدا، سوڭعى جىلدارى الەمدە قالىپتاسقان 7 مىڭ تەرمين قازاق تىلىنە اۋدارىلعان. مۇنداي «جاڭالىقتار» كەيدە كۇلكىڭدى كەلتىرەدى. مىسالى، «عالامتور» (ينتەرنەت)، «قولتىراۋىن» (كروكوديل)، «كۇيساندىق» (فورتەپيانو) جانە تاعى سول سياقتىلار تولىپ جاتىر. وسىنداي اۋدارمالاردى نەگىزدەۋ تاسىلدەرىن قايتا قاراستىرىپ، تەرمينولوگيا تۇرعىسىنان قازاق ءتىلىن حالىقارالىق دەڭگەيگە جاقىنداتۋ كەرەك»، - دەدى قازاقستان پرەزيدەنتى جولداۋىندا.
وسى رەتتە مەملەكەت باسشىسى لاتىن الىپبيىنە كوشۋ جوعارىدا اتالعان ماسەلەنى رەتتەۋگە مۇمكىندىك بەرەتىندىگىن اتاپ وتەدى. 2025 -جىلعا دەيىن ءبىلىم بەرۋدىڭ بارلىق دەڭگەيىندە لاتىن الىپبيىنە كوشۋدىڭ ناقتى كەستەسىن جاساۋ قاجەتتىگىنە نازار اۋدارتادى.
