قىرعىز شەنەۋنىكتەرىنە اق قالپاق كيىپ ءجۇرۋ مندەتتەلۋى مۇمكىن

استانا. قازاقپارات - قىرعىزستان پرەزيدەنتىنەن باستاپ پرەمەر- مينيسترىنە، پارلامەنت سپيكەرلەرىنە رەسمي قابىلداۋلار مەن شەتەل ساپارىندا ۇلتتىق باس كيىم «اق قالپاق» كيىپ ءجۇرۋى مىندەتتەلۋى مۇمكىن.

قىرعىزستان دەپۋتاتتارى وسىنداي زاڭ جوباسىن ۇسىندى. بۇل تۋرالى «راديو سۆوبودا» حابارلادى.

زاڭ جوباسىندا سپورتشىلاردى دا حالىقارالىق جارىستاردا ۇلتتىق باس كيىم كيىپ ءجۇرۋىن مىندەتتەدى.

جوبا اۆتورلارىنىڭ ايتۋىنشا، بۇل «رۋحاني دامۋ مەن قىرعىز حالقىنىڭ عاسىرلار بويعى ءداستۇرىنىڭ ساقتالۋى» جانە قىرعىز حالقىنىڭ الەمگە تانىلۋىنا سەپتىگىن تيگىزەدى.

سونىمەن قاتار، زاڭ جوباسىندا ۇلتتىق باس كيىم مەملەكەتتىك تۋ، ەلتاڭبا جانە انۇرانمەن تەڭەستىرىلگەن.

2017 -جىلدىڭ جەلتوقسانىندا بىشكەكتە وتكەن Dog's Fashion Show-2018 دە باسىنا اق قالپاق كيگەن يت شىققان ەدى. كەيبىر بەلسەندىلەر بۇل وقيعانى قىرعىز حالقىن قورلاۋى دەپ ەسەپتەدى. جاستار كەڭەسى شوۋ ۇيىمداستىرۋشىلارىنا ايىپپۇل سالۋدى تالاپ ەتتى.

2016 -جىلى قىرعىز پارلامەنتى ۇلتتىق باس كيىم كۇنىن رەسمي مەرەكە ەتتى. 5 - ناۋرىز - قالپاق كۇنى. بۇل كۇن 2011 -جىلدان باستاپ اتالىپ وتىلەدى.