17:36, 09 - قاڭتار 2018 | GMT +5
قازاقتىڭ تۇڭعىش وليمپيادا چەمپيونى استاناعا كەلەدى
استانا. قازاقپارات - 1972 -جىلعى وليمپيادا چەمپيونى، باسكەتبولشى ءالجان جارمۇحامەدوۆ «استانا» اكادەمياسىنىڭ شاكىرتتەرىنە ارناپ ماستەر- كلاسس وتكىزەدى. چەمپيوندى «استانا» باسكەتبول كلۋبى شاقىرىپ وتىر،
دەپ حابارلايدى قازاقپارات ءتىلشىسى ەلوردا- اقپاراتقا سىلتەمە جاساپ.
جوسپار بويىنشا ءا. جارمۇحامەدوۆ بالالارعا باسكەتبولدىڭ قىر- سىرىن ۇيرەتەدى. ودان كەيىن وليمپيادا چەمپيونى بالالارمەن بىرگە «دۆيجەنيە ۆۆەرح» اتتى فيلمنىڭ جابىق كورسەتىلىمىنە قاتىسادى. اتالعان كارتينادا 1972 -جىلعى وليمپيادا كەزىندە ك س ر و باسكەتبولشىلارىنىڭ جەڭىسى جايىندا باياندالادى.
ايتا كەتكەن ءجون، 1972 -جىلى ميۋنحەندە ك س ر و مەن ا ق ش- تىڭ اراسىندا تاريحي فينالدىق ماتچ وتكەن بولاتىن. سول ويىندا كەڭەستەر وداعىنىڭ باسكەتبولشىلارى سوڭعى ءۇش سەكۋندتىڭ ىشىندە امەريكا قۇراماسىن جەڭگەن ەدى. ك س ر و- نىڭ قۇرامىندا ءالجان جارمۇحامەدوۆ تا بولدى. قازىرگى كەزدە قازاق چەمپيونى ماسكەۋدە تۇرادى.
اۆتور: ارمان اسقاروۆ
