سەمەيدە قىلمىستىق دالەلدەردى قولدان جاساعان تەرگەۋشى سوتتالدى

وسكەمەن. قازاقپارات - سەمەيدە جۇمىس كورسەتكىشىن جوعارىلاتۋ ءۇشىن قىلمىستىق ءىس دالەلدەرىن قولدان جاساعان تەرگەۋشى سوتتالدى، دەپ حابارلايدى «قازاقپارات» ح ا ا ءتىلشىسى قالالىق سوتتىڭ باسپا ءسوز قىزمەتىنە سىلتەمە جاساپ.

ءىس ماتەريالدارىندە كورسەتىلگەندەي، 25 جاستاعى پوليتسيا لەيتەنانتى ءادىلجان ن. ءوزىنىڭ تانىسىنان ۇيالى تەلەفون ۇرلانىپ، ونىڭ لومباردقا تاپسىرىلعانىن ەستيدى.

پوليتسەي بۇل ءىستى «جىلدام اشۋدىڭ» جولىن ويلاپ تابادى. ەكى كۇننىڭ ىشىندە قىلمىستىڭ بەتىن اشۋدى كوزدەگەن تەرگەۋشى دالەلدەردى قاعاز بەتىندە قولدان جاساي باستاعان.

الدىمەن ول باسقا ءىس بويىنشا تەرگەلىپ جاتقان كۇدىكتىدەن تەلەفون جوعالتقان ادام بولىپ ارىز جازىپ «جابىرلەنۋشىگە» اينالۋدى سۇرايدى. تەرگەۋدەگى ادام بۇل قۋلىققا كەلىسپەگەن. ءبىراق پوليتسەي ونى الداپ ارىز جازدىرىپ الادى. پوليتسەيدىڭ قۋلىعى بۇدان كەيىن ءتىپتى كۇردەلەنە تۇسەدى. ول ءوزىنىڭ «يەلىگىندەگى» قىلمىسكەردىڭ بىرىنە تەلەفوننىڭ يەسى تابىلعانىن ايتىپ، ۇرلىق بويىنشا قول قويدىرىپ الادى.

ءتارتىپ ساقشىسى بۇدان سوڭ لومباردقا بارىپ، تەلەفون يەسىنىڭ تابىلعانى تۋرالى دالەلدەرمەن كەپىلدە تۇرعان زاتتى تاركىلەپ العان. بۇدان سوڭ تاراپتاردىڭ ءوزارا كەلسىمىمەن قىلمىستىق ءىستىڭ توقتاتىلعانى تۋرالى قاۋلى شىعارادى. الايدا «اشىلعان» قىلمىستىق ءىس بەلگىسىز سەبەپتەرمەن پروكۋراتۋرا ماقۇلدانۋىنا جىبەرىلمەگەن. پوليتسەيدىڭ وتىرىگى وسى جەردەن شىعىپ قالادى.

سوت ن. ءادىلجاندى ق ر ق ك 416-بابى، 4-بولىگى بويىنشا كىنالى دەپ تانىپ، وعان 500 ا ە ك (1 ميلليون. 135 مىڭ تەڭگە) كولەمىندە ايىپپۇل سالدى. سونىمەن بىرگە پوليتسەيدىڭ شەنى تومەندەتىلىپ، 2 جىل ۋاقىت قۇقىق قورعاۋ ورگاندارىندا جۇمىس ىستەۋگە تيىم سالدى. ەكس-تەرگەۋشىگە سوتتىڭ پروتسەسسۋالدىق شىعىندارىن جانە بەلگىلەنگەن 500 ا ە ك ايىپپۇلدى تولەۋگە ءبىر اي ۋاقىت بەرىلدى.