08:50, 09 - قاڭتار 2018 | GMT +5
شاڭحاي ماڭىندا جانىپ جاتقان تانكەر جارىلۋدىڭ از-اق الدىندا تۇر
استانا. قازاقپارات - بۇل اپات وتكەن سەنبى كۇنى شاڭحايدان 260 شاقىرىم جەردە بولدى. يراننان وڭتۇستىك كورەياعا مۇناي ونىمدەرىن الىپ كەلە جاتقان Sanchi تانكەرى ورتەندى، دەپ حابارلايدى bbc.com.
ەكيپاجدىڭ 32 مۇشەسى - 30 يراندىق جانە بانگادەشتىڭ ەكى ازاماتى ءىز-ءتۇزسىز جوعالعان. سوڭعى دەرەكتەرگە قاراعاندا، ولاردىڭ ءبىرىنىڭ دەنەسى تابىلعان. اسپانعا قارا بۇلتتاي كوتەرىلگەن ۋىتتى زاتتاردىڭ كەسىرىنەن قۇتقارۋشىلار اپات ورنىنا جاقىنداي الماۋدا.
قىتاي بيلىگى Sanchi تانكەرى كەز كەلگەن ۋاقىتتا جارىلىپ، سۋعا باتىپ كەتۋى ىقتيمال دەپ مالىمدەدى.
ال ونىمەن سوقتىعىسقان قۇرعاق جۇك تاسىمالدايتىن CF Crystal كەمەسىندەگى 21 ەكيپاج مۇشەسىنىڭ ەشقايسىسى زارداپ شەككەن جوق. ول ا ق ش- تان ءدان تيەپ كەلە جاتقان.
ەكى كەمەنىڭ نەلىكتەن سوقتىعىسقانى ازىرگە انىق ەمەس.
