قازاقستان ۇلتتىق قۇراماسىنىڭ باس باپكەرىنىڭ تاعدىرى جاقىن ارادا شەشىلەدى
دەپ حابارلايدى «قازاقپارات» ح ا ا ءتىلشىسى قازاقستان فۋتبول فەدەراتسياسىنىڭ رەسمي سايتىنا سىلتەمە جاساپ.
رەسمي سايتتا بەرىلگەن مالىمەت بويىنشا، 8 - قاڭتاردا، ياعني بۇگىن قازاقستان فۋتبول فەدەراتسياسىنىڭ كەڭسەسىندە فەدەراتسيا پرەزيدەنتى سەيىلدى بايشاقوۆتىڭ توراعالىعىمەن باپكەرلىك كەڭەس وتكەن.
«جيىندا قازاقستان ۇلتتىق قۇراماسىنىڭ باس باپكەرى الەكساندر بوروديۋكتىڭ جۇمىس ەسەبى تىڭدالدى. الەكساندر بوروديۋك ۇلتتىق قۇرامانىڭ وتكىزگەن ماتچتارىنىڭ قاناعاتتاندىرماس ناتيجەلەرىنىڭ سەبەبىن باياندادى. ول ءوز سوزىندە كۇنتىزبەنىڭ ىڭعايسىز كەستەسىنە بايلانىستى رەسمي ويىندار ءۇشىن كوماندانى قىسقا ۋاقىتقا دايىنداۋعا كەڭەس بەردى»، - دەلىنگەن اقپارات كوزىندە.
سونىمەن بىرگە، الەكساندر گەنريحوۆيچ كوماندانىڭ ءساتسىز ويىندارى ءۇشىن جاۋاپكەرشىلىكتى ءوز موينىنا العان.
«ۇلتتىق قۇرامادا قالاتىنى نەمەسە قالمايتىنى تۋرالى سوڭعى شەشىمدى ق ف ف جۋىق ارادا قابىلدايدى»، - دەلىنگەن ق ف ف رەسمي سايتىندا.
اۆتور: ايان بەكەن ۇلى
