تورەعالي تورەالىنىڭ پروديۋسەرى ءانشى جايلى بار شىندىقتى جايىپ سالدى
پوستتى ءانشىنىڭ تۇبىنە جەتۋ ءۇشىن جازىلماعانىن دا ەسكەرتتى.
«ءبىز ىشكى ماسەلەنى سىرتقا جايمايمىز دەپ كەلىسكەن ەدىك. الايدا سوڭعى كۇندەرى ورتاق تانىستارىمىزدان ەستىپ جاتقان قاۋەسەتتەرگە قاراپ، ول ءوز سوزىندە تۇرماعانىن، ءوز "باۋىرىنا" ءسوز تيگىزگەنىن اڭعاردىم. مەن ۇندەمەگەن سايىن جۇرت ونىڭ ايتقاندارىنا سەنەدى. ءبىراق، ونىكى دۇرىس ەمەس. مەن بار جاعدايدى كوڭىلگە تيگىزبەي جۇمساق تۇسىندىرۋگە تىرىسامىن»، - دەپ باستادى جان مۇقانوۆ.
«ءبىز تورەعالي ەكەۋمىز 2015 -جىلى «جىگىتتەر» كۆارتەتىنىڭ كونسەرتىندە تانىستىق. ول ۋاقىتتا تورەعاليدى ەشكىم تاني قويمايتىن. مەيرىمدى، جىلى ءجۇزدى، مادەنيەتتى جوعارى قوياتىن ادامدى كوردىم! رەسپۋبليكا سارايىندا العاشقى جەكە كونسەرتىن ۇيىمداستىرۋ جايلى ۇسىنىس الدىم. كوپ ويلانباستان كەلىستىم. ءدال قازىر شىمكەنت قالاسىنداعى «ريكسوس» قوناقۇيىندە وتىرىپ، ءبارىنىڭ ءدال وسى جەردە باستالعانى ەسىمە ءتۇستى. وسى جەردە اياقتايمىن دا. بولدى»، - دەي كەلە تورەعاليدىڭ العاشقى كەشتەرىمەن بۇگىنگى كۇنىن سالىستىردى.
«مەن كونسەرتتى «ۇلى دالا بالاسى» دەپ اتاۋدى ۇسىنعانىمدا اكەسى قارسى بولدى، جۇرت تۇسىنبەي قالا ما دەپ شوشىدى. الايدا مەن كوندىردىم. سول ساتتەن باستاپ بۇل ەسىم تورەعاليدى تانىتىپ كەلەدى، بارلىق كەشتەرى وسى ەسىممەن وتەدى. العاشقى كەشى كەرەمەت وتكەن. ءارى قاراي دا جوعارىلاي بەردىك، ءتۇرلى كەشتەر، جوبالار بولدى. مەن ول ءارتيستى ماقتان تۇتاتىن ەدىم، ماقتاناتىنمىن. 2 جىل ىشىندە ونىڭ مارتەبەسى ارتىپ، ۇزدىكتەردىڭ قاتارىنان كورىندى. گونورارى ءوستى. العاشىندا $200-500 تاۋىپ جۇرگەن، ءبىر جىلدان سوڭ $8000 دان ءبىر- اق شىقتى. كادىمگى جۇلدىزعا اينالدى».
سونداي- اق جان مۇقانوۆ الداعى جوسپارلارمەن دە ءبولىستى.
«2018 -جىلى قازاقستاندا عانا ەمەس، الەم بويىنشا جوبالاردىڭ جوسپارىن قۇردىق. «ۇلى دالا بالاسى. الەم» رەاليتي شوۋى 7 مەملەكەتتە وتەدى دەپ جوسپارلانعان.
ومىرىمدە ءبىر ادام ءۇشىن ءدال وسىلاي جۇمىس جاساماعان ەدىم. ول ادامدىعىنان ايىرىلسا دا، وتە تالانتتى جان. ەندى مەنىڭ كوماندامنىڭ، مەنىڭ ەڭبەگىمدى ءبىر ساتتە توگىپ جىبەرگەنى وكىنىشتى. قازان ايىنداعى جوسپارلارعا كەلەتىن بولساق... تورەعاليدىڭ 5 كەشىن دە مەن ءوز قالتامنان وتكىزدىم. وتكىزۋدى ءوزىم تالاپ ەتتىم، ول ادامنىڭ ەسىمىن تاريحتا قالدىرۋ - ماقساتىم بولدى».
پروديۋسەر تورەعاليمەن بولعان العاشقى تۇسىنىسپەۋشىلىكتى ەسىنە ءتۇسىردى.
«اكەسىنىڭ مىنەزى بارىنە ءمالىم، اسىرەسە ماعان. سول سەبەپتى العاشقى كۇندەرى- اق ءبىزدىڭ ىسىمىزگە ارالاسپاۋىن ءوتىندىم. قوناق رەتىندە كەلىپ، تىنىش قايتاتىن. 5 كۇندىك كەش بارىسىندا ءبىز 15000 بيلەت ساتۋىمىز كەرەك ەدى، وكىنىشكە وراي 3500 - 4000 بيلەت ساتىلدى. جاعدايدىڭ مۇشكىل ەكەنىن ءتۇسىندىم. بىزگە قوماقتى اقشا كەرەك بولعان، الايدا جينالمادى، ەكەۋىمىزدە دە بولعان جوق. ءسويتىپ تورەعاليدان بولاشاقتا وتكىزەتىن كەشتەردەن تۇسەتىن قاراجاتتى سۇرادىم. ءبىراق تورەعالي كەلىسپەدى. بۇل تەك مەنىڭ عانا ماسەلەم، ءوزىم شەشۋىم كەرەك ەكەنمىن.
بۇل العاشقى قوڭىراۋىم ەدى. بۇرىن سوڭدى مۇنداي كەلىسپەۋشىلىك بولماعان. اشۋعا بۋلىقتىم، بۇل ادام ءۇشىن تالاي جاقسىلىق جاسادىم، وتەمى وسىنداي بولدى.
كەيىن بيلەتتەردىڭ اقشاسىن قايتارعىم كەلدى. ەگەر مۇنىڭ ءبارى مەنىڭ عانا ماسەلەم بولسا، بيلەتتەن تۇسكەن اقشا دا مەنىكى بولۋى ءتيىس. ءبىراق اقشا مۇلدەم جەتپەدى. ول دا تاۋىپ بەرە المايتىنىن ايتتى. نەسى بار، وزىمە جۇگىرۋگە تۋرا كەلدى. ءتىپتى تويىنىڭ دا بار قامىن جاساماق بولدىم. اقىماق ەكەنمىن»، - دەپ اياقتادى جان مۇقانوۆ.
ەستەرىڭىزگە سالا كەتەيىك، تورەعالي تورەالىنىڭ جەلتوقساندا پاۆلوداردا وتكەن كەش بارىسىندا كورەرمەندەرگە دورەكى سويلەگەن ۆيدەوسى تاراعان. ءانشىنىڭ بۇل ارەكەتى حالىق اراسىندا قىزۋ تالقىلانىپ، ۇلكەن سىنعا ۇشىرادى. ەرتەڭىندە تورەعالي تىكەلەي ەفيرگە شىعىپ حالىقتان كەشىرىم سۇرادى.
qamshy.kz
