ايەلدەرگە كولىك ايداۋعا تىيىم سالىندى
2017 -جىلدىڭ جەلتوقسان ايىندا مەملەكەتتەگى ءى ءى م باسشىسى يسگەندەر مۋليكوۆ تۇرىكمەنستان پرەزيدەنتىنە جول كولىك وقيعالارىنا قاتىستى ستاتيستيكالىق مالىمەتتەر ۇسىندى. اتالعان مالىمەتتەردە جول كولىك وقيعاسىنىڭ كوبىسى ايەل ادامدار سەبەبىنەن بولاتىنى كورسەتىلگەن. كەيىن پرەزيدەنت مينيسترگە وسى ماسەلەنى رەتكە كەلتىرۋدى تاپسىردى.
2017 -جىلدىڭ جەلتوقسان ايىنان باستاپ پوليتسەيلەر ايەل ادامدارعا ايىپپۇلعا قاتىستى ەسكەرتۋ جاريالاي باستادى. ال قاڭتار ايىنان باستاپ كولىك جۇرگىزۋ كۋالىكتەرىن تارتىپ الىپ، كولىكتەرىن ارنايى تۇراققا جىبەردى.
«باستاپقىدا بۇل اقپاراتتى قالجىڭعا بالادىم. ارتىنشا ءوز باسىما تۇسكەن سوڭ عانا شىندىق ەكەنىنە كوزىم جەتتى. قازىر ايەلدەر رولگە وتىرۋدان قورقىپ ءجۇر. سول سەبەپتى ولاردى جۇمىسقا كۇيەۋلەرى الىپ بارىپ، كەيىن وزدەرى ۇيگە اكەلەدى»، - دەيدى اشحاباد قالاسىنىڭ تۇرعىنى.
ەستەرىڭىزگە سالا كەتسەك، وسى ۋاقىتقا دەيىن اتالعان ەلدە قارا ءتۇستى كولىكتەر جۇرگىزۋگە تىيىم سالىنعانى تۋرالى جازعان بولاتىنبىز.
