ترامپ كيم چەن ىنمەن تەلەفون ارقىلى سويلەسۋگە دايىن ەكەنىن ايتتى
پرەزيدەنت ترامپ بۇل تۋرالى سولتۇستىك كورەيا مەن وڭتۇستىك كورەيا پحەنيان سپورتشىلارىنىڭ وڭتۇستىك كورەيادا 9-25- اقپاندا وتەتىن قىسقى وليمپياداعا قاتىسۋ مۇمكىندىگىن كەلىسسوز ارقىلى تالقىلاۋعا كەلىسكەن سوڭ كەمپ-دەۆيدتەگى رەزيدەنتسياسىندا 6- قاڭتار كۇنى ايتتى.
وسىلايشا ا ق ش پرەزيدەنتى ءوزىنىڭ بۇرىنعى رايىنان قايتىپ «مەن قاشان دا كەلىسسوزگە سەنەمىن» دەگەن. ترامپ بۇل تۋرالى جۋرناليست سۇراعىنا جاۋاپ بەرگەندە ايتتى. جۋرناليست ترامپتان «كىشكەنتاي زىمىرانشى» دەپ اتاپ كەتكەن اداممەن كەزدەسۋدى قالاي قارايتىندىعىن سۇراعان ەدى.
- البەتتە! بۇل ماسەلەدە مەندە ەشقانداي پروبلەما بولعان ەمەس، - دەگەن پرەزيدەنت ترامپ الدىمەن ءوزىنىڭ بەلگىلى ءبىر شارتتارى بارىن اڭداتتى.
ترامپ كەلىسسوزدىڭ وليمپيادا ماسەلەسىن تالقىلاۋمەن شەكتەلگىسى كەلمەيتىندىگىن بىلدىرگەن. ا ق ش پرەزيدەنتى «ءساتى كەلگەندە» ونداي كەلىسسوزگە دە قاتىساتىندىعىن ايتقان.
پحەنيان ب ۇ ۇ قارارلارىن قايشى بالليستيكالىق زىمىراندارى مەن يادرولىق قارۋىن سىناعان سايىن ا ق ش پەن سولتۇستىك كورەيا ءبىر-بىرىنە قوقانلوققى ءۇيىرىپ كەلەدى.
«ازاتتىق»
