ۆيتسە-مينيستر قىستا كوكونىستەردىڭ قىمباتتاۋ سەبەبىن ءتۇسىندىردى
ەڭ الدىمەن، ۆيتسە-مينيستر «اۋىل شاۋاشىلىعى مينيسترلىگىنىڭ باستى مىندەتى ساۋدا سالاسىنداعى باعانى رەتتەۋ ەمەس، اۋىل شارۋاشىلىعىن دامىتۋ ەكەنىن» اتاپ ءوتتى.
«ەكزوتيكالىق ەلدەرمەن سالىستىرعاندا، ءبىز ەگىن وسىرۋگە كوبىرەك شىعىن جۇمسايمىز. ول ەلدەردە قىستىڭ بولماۋى دا وزىندىك قۇنعا ەلەۋلى اسەر ەتەدى. ونىڭ ۇستىنە، ماۋسىمارالىق ۋاقىتتا كوكونىستەردى جىلىجايدا وسىرەمىز - بۇل دا ولشەۋسىز شىعىن. قىسقى ۋاقىتتا كوكونىستەردىڭ قىمباتتاۋى داستۇرگە اينالىپ كەتتى»، - دەپ جازدى ۆيتسە-مينيستر.
ن. التايەۆتىڭ ايتۋىنشا، ەلدەگى كوكونىس باعالارىنىڭ قىمباتتاۋىنا رەسەيدەگى جوعارى باعا دا ىقپال ەتەدى. سەبەبى، وڭتۇستىك وڭىرلەردەگى جىلىجاي ونىمدەرى تۇگەلدەي دەرلىك سوندا جونەلتىلەدى.
«بۇل ەشتەڭە ىستەمەۋ كەرەك دەگەن ءسوز ەمەس. مينيسترلىك قىسقى ۋاقىتتا كوكونىسپەن قامتاماسىز ەتۋ شارالارىن اتقارۋدا. باعانى ءبىز رەتتەمەيمىز. ءبىز تەك قانا وندىرىسكە ىقپال ەتە الامىز»، - دەپ اتاپ ءوتتى ن. التايەۆ.
ۆيتسە-مينيستر قىسقى ۋاقىتتى حالىقتى كوكونىسپەن قامتاماسىز ەتۋ بويىنشا مەكەمە قابىلدايتىن ءبىرقاتار شارالاردى اتاپ كورسەتتى، ەڭ الدىمەن بۇل جاڭا جىلىجاي شارۋاشىلىقتارىن قۇرۋعا قولداۋ كورسەتۋ جانە ت. ب.
قازىر مينيسترلىك ءار وبلىس ورتالىعىندا كوتەرمە-تاراتۋ ورتالىقتارىنىڭ جۇيەسىن قۇرۋ بويىنشا جاڭا جوبانى ازىرلەۋدە. بۇل كوكونىستەرمەن قامتاماسىز ەتۋگە جانە ولاردىڭ باعاسىن ارزانداتۋعا ەداۋىر سەپتىگىن تيگىزبەك.
اۆتور: ايجان سەرىكجان قىزى
