اراب شەيحى قىرعىز قىزىنا عاشىق بولىپ قالعان
ارابيالىق ەر ادام قىرعىزستاندا ءوز كاسىبىن اشقان. مۇنان كەيىن تانىستارى ارقىلى اگەنتتىكتەن وزىنە ايەل تاۋىپ بەرۋىن سۇراپتى. بەلگىلى بولعانداي، ەر ادامنىڭ ساۋد ارابياسىندا ەكى ايەلى بولعان. الايدا ول بىشكەكتە دە ءبىر وتباسى بولعانىن قالاعان.
« وعان 20-27 جاس ارالىعىنداعى كەلبەتى سلاۆيان تەكتەس، ۇزىن، سىمباتتى، ۇقىپتى ءارى اس ازىرلەي الاتىن قىز كەرەك بولدى. سونىمەن قاتار جوعارى ءبىلىمى مەن بىرنەشە ءتىل ءبىلۋى دە ماڭىزدى ەدى. ءوز قورىمىزدان ونىڭ كوڭىلىنەن شىعاتىن ۇمىتكەردى تاپتىق. ولار كەزدەسىپ، ءبىرىن-ءبىرى ۇناتتى. قازىر ولار مۇسىلمانشا نەكەگە تۇردى»، - دەيدى نەكە اگەنتتىگىنىڭ ديرەكتورى.
بۇل رەتتە اگەنتتىك ديرەكتورى بويجەتكەننىڭ اراب شەيحىنا ءۇشىنشى ايەل بولۋ تۋرالى ۇسىنىسىن وڭ قابىلداعانىن اتاپ ءوتتى.
«ونىڭ كوڭىلىنەن شىقتى. سەبەبى كۇيەۋى بارلىق ايەلىن اسىراي الادى»، - دەيدى يماناليەۆا.
سونىمەن قاتار نەكە اگەنتتىگىنىڭ ديرەكتورى ولارعا قىتايلىق كاسىپكەرلەردىڭ دە حابارلاسقانىن ايتتى.
«كليەنتتەردىڭ ءبىرى 40 جاستا، ەكىنشىسى 50 جاستا ەدى. ولار جەرگىلىكتى مەنتاليتەتتى بويىنا سىڭىرگەن، كەلبەتى سلاۆيان تەكتەس بويجەتكەندى ىزدەدى. الايدا ۇسىنىلعان ۇمىتكەرلەرى كاسىپكەرلەردىڭ كوڭىلىنەن شىقپادى. ەكەۋى دە جاس ءارى سىمباتتى قىزدارمەن كەزدەسكىسى كەلدى»، - دەيدى روزا يماناليەۆا.
