ەردوعان ىستانبۇلداعى «تەمىر شىركەۋدى» اشتى

استانا. قازاقپارات - تۇركيا بيلىگى ءدىنني سەنىمدى قورعايدى، دەپ ءمالىم ەتتى پرەزيدەنت رەجەپ تايىپ ەردوعان ىستانبۇلداعى قالپىنا كەلتىرىلگەن قاسيەتتى ستەفان شىركەۋىنىڭ اشىلۋ سالتاناتىندا.

ونى كوپشىلىك «تەمىر شىركەۋ» دەپ تە اتايدى. بۇل تۋرالى قازاقپارات «انادولى» اگەنتتىگىنە سىلتەمە جاساپ حابارلايدى.

تۇركيا پرەزيدەنتىنىڭ ايتۋىنشا، ەلدە «تەمىر شىركەۋ» مەن مۇرادي مەشىتىندەگى ءدىني قۇلشىلىقتىڭ ايىرماشىلىعى جوق.

ەردوعان سوڭعى كەزدەرى تۇركيادا رەستاۆراتسيادان وتكىزىلىپ 14 ءدىنني نىسان اشىلعانىن اتاپ ءوتتى. ونىڭ قاتارىندا ەديرنەدەگى سيناگوگا، گەكچەاداداعى قاسيەتتى نيكولاي شىركەۋى، يسكەندەرۋندەگى كاتوليك شىركەۋى، ديارباقىرداعى ارميانداردىڭ پروتەستانتتىق شىركەۋى، گازيانتەپتەگى نيزيپا فيەۆكاني شىركەۋى بار.

ىستانبۇلدىڭ بالات اۋدانىنداعى حريستيان شىركەۋىن رەستاۆراتسيالاۋ جەتى جىلعا سوزىلعان.

شىركەۋدىڭ اشىلۋىنا بولگاريا پرەمەر-ءمينيسترى بويكو بوريسوۆ قاتىستى، ولا تۇركيا ۇكىمەتىنە تاريحي نىساندى قالپىنا كەلتىرۋگە قوسقان ۇلەسى ءۇشىن العىس ايتتى.