جاستار قۇراماسىنىڭ حوككەيدەن الەم چەمپيوناتىنداعى قارسىلاستارى بەلگىلى بولدى

استانا. قازاقپارات - حوككەيدەن جاستار اراسىنداعى الەم چەمپيوناتى كانادانىڭ ۆانكۋۆەر مەن ۆيكتوريا قالاسىندا وتەدى، دەپ حابارلايدى قازاقپارات ق ر ۇ و ك سايتىنا سىلتەمە جاساپ.

اتالمىش تۋرنير 2018-جىلدىڭ 26- جەلتوقسانىندا باستالىپ، 2019-جىلدىڭ 5- قاڭتارىندا اياقتالادى.

قازاقستان جاستار قۇراماسى «B» توبىندا فينليانديا، سلوۆاكيا، شۆەتسيا جانە ا ق ش قۇرامالارىمەن كۇش سىناسادى. كانادا، چەحيا، دانيا، رەسەي مەن شۆەيتساريا قۇرامالارى «A» توبىندا مىقتىنى انىقتايدى.

ەكى توپتا سوڭعى ورىن العان كوماندالار ەليتالىق ديۆيزيونداعى ورنىن ساقتاپ قالۋ ءۇشىن تارتىسادى.

«B» توبىنىڭ ويىندارىن ۆيكتوريا قالاسى قابىلدايدى.

ەسكە سالا كەتسەك، ا ق ش- تىڭ باففالو قالاسىندا حوككەيدەن ءوتىپ جاتقان جاستار اراسىنداعى الەم چەمپيوناتىندا بەلارۋس قۇراماسى تۋرنيردە قالۋ ءۇشىن دانياعا قارسى وتكىزگەن ەكى ويىندا (4:5, 2:3 ب) جەڭىلىپ، ەليتالىق ديۆيزيوننان شىعىپ قالدى. بەلارۋستىڭ ورنىن قازاقستان يەلەنگەن بولاتىن.