وڭتۇستىك كورەيادا بالىق اۋلاۋدان «قىسقى وليمپيادا» وتكىزىلدى
استانا. قازاقپارات - پحەنچحان قالاسىندا اقپاندا وتەتىن قىسقى وليمپيادا ويىندارى الدىندا وڭتۇستىك كورەيانىڭ سولتۇستىگىندە، حۆاچحون ۋەزىندە بالىق اۋلاۋدان وزىندىك قىسقى وليمپيادا وتكىزىلدى، دەپ حابارلايدى euronews.
فەستيۆالگە الەمنىڭ تۇكپىر-تۇكپىرىنەن قاتىسۋعا نەمەسە كورۋگە 130 مىڭنان استام ادام جينالعان. 60 تان استام باعدارلامانىڭ ىشىندەگى ەڭ باستىسى مۇز استىندا بالىق اۋلاۋ بولدى.
ولاردىڭ ىشىندە جۇرتقا تاڭسىق ءارى قىزىقتى ءتۇرى - باسسەيندە جالاڭاش قولمەن بالىق اۋلاۋ دا بار. ۇستاپ العان بالىقتى سول جەردە ءپىسىرىپ جەۋگە دە بولادى. سونداي-اق فەستيۆال وتكىزىلەتىن جەردە بالىققۇمارلار ءۇشىن ارنايى قاقتاما ازىرلەنگەن.
