موڭعوليادان شىققان تۇيە كەرۋەنى لوندونعا بارماقشى

استانا. قازاقپارات - ءبىر توپ ساياحاتشى تۇيە كەرۋەنىمەن ۇلانباتىردان لوندونعا اتتاندى، دەپ حابارلايدى قازاقپارات مونتسامە سىلتەمە جاساپ.

2017-جىلدىڭ قاراشا ايىنىڭ باسىندا ن. بايگالماا باستاعان ءتۇرلى ۇلتتىڭ 7 ساياحاتشىسىنان قۇرالعان توپ الىس جولعا اتتاندى. ولار 12 مىڭ شاقىرىم قاشىقتىقتى باسىپ وتۋگە بەل بۋدى.

قازىرگى ۋاقىتتا ولار 650 شاقىرىم ءجۇرىپ بايانحونگور (بايىنقوڭعىر) ايماعىنا جەتتى، ال سوڭعى مەجەگە جەتۋ ءۇشىن شامامەن ءۇش جىل قاجەت.

وكىنىشتىسى جولدا ءارتۇرلى سەبەپتەرگە بايلانىستى ساياحاتشىلاردىڭ ءبىرقاتارى ساپاردى جالعاستىرا المادى.

بايانحونگور ايماعى اكىمشىلىگى باسشىسىنىڭ ورىنباسارى ب. ءباتسۇۇر 3- قاڭتاردا ساياحاتشىلاردى قارسى الىپ، وسى ولكەنىڭ اۋماعىندا كەرۋەنگە قاجەتتى كومەكتىڭ بارلىعىن جاساۋعا دايىن ەكەندىگىن ءمالىم ەتتى.

موڭعوليادان شىققان تۇيە كەرۋەنى لوندونعا بارماقشى توپ جەتەكشىسى ن. بايگالماانىڭ ايتۋىنشا، ساياحاتشىلار جىبەك جولىنىڭ بويىمەن 15 مەملەكەتتى باسىپ وتەدى. شارانىڭ باستى ماقساتى - موڭعول مادەنيەتىن شەتەلدەردە سونىڭ ىشىندە ەۋروپا ەلدەرىندە ناسيحاتتاۋ.