10:56, 07 - قاڭتار 2018 | GMT +5
اقتاۋدا تەڭىز قىزىل تۇسكە بويالدى - كەسكىن
استانا. قازاقپارات - ءبىرىنشى شاعىن اۋدانداعى «شاعالا» قوناق ۇيىنەن «نۇر پلازا» جاعاجايىنا دەيىن تەڭىز سۋى قىزىل تۇسكە بويالدى.
جاعالاۋدا بالدىر جانە شىلاۋ وتە كوپ بايقالادى، دەپ حابارلايدى Lada.kz.
اقتاۋ تۇرعىندارى رەداكسياعا كوپتەگەن سۋرەتتەر مەن ۆيدەولار جىبەرگەن.
«سۋدىڭ قىزىل تۇسكە ەنگەنىن ەكى اپتا بۇرىن بايقادىق. الايدا اسا كوپ بىلىنە بەرمەيتىن. قازىر تەڭىز سۋى قانقىزىل تۇسكە ەندى»، - دەيدى جاعالاۋدا جۇمىس ىستەيتىن قۇرىلىسشىلار.
ەسكە سالا كەتسەك، 2017-جىلدىڭ مامىر ايىندا اقتاۋ تۇرعىندارىن تەڭىز سۋىنىڭ ءتۇسى تاڭقالدىردى. سول كەزدە ەكولوگيا دەپارتامەنتى جاعالاۋعا تەڭىز بالدىرلارى جينالىپ قالعانىن ايتقان بولاتىن.
