تاريحي-تانىمدىق «كونە جەتىگەننىڭ سىرى» اتتى كينوحيكايا ءتۇسىرىلدى
جوبانىڭ باستى ماقساتى - ول ءوڭىردىڭ تۇركىستان، ارىستان باب، وتىرار، ساۋران، سايرام سەكىلدى كونە جەرلەرى مەن اقسۋ-جاباعىلى، وگەم تابيعي قورىقتارى ءارى قازىعۇرت تاۋى سەكىلدى تابيعاتى اسەم جەرلەردى كەڭىنەن ناسيحاتتاۋ، دەپ حابارلايدى حابار 24.
بۇدان بولەك وڭىردە «تۋعان جەر» باعدارلاماسى اياسىندا 31,4 ميلليارد تەڭگەنى قۇرايتىن 577 جوبا جۇزەگە اسىپ جاتىر. ال وتكەن جىلى تۋعان جەرىن تۇلەتكەن كاسىپكەرلەردىڭ باستاماسىمەن 138 جوبا اياقتالىپ، بىرنەشە الەۋمەتتىك نىسان ەل يگىلىگىنە بەرىلگەن بولاتىن.
«2018-جىلى ءبىزدىڭ جوسپارىمىزدا ەڭ نەگىزگى باعىتىمىز تاربيە جانە ءبىلىم بولىپ تۇر. ءبىز وسى زامانعا ساي بولۋى ءۇشىن ۇشتىلدىلىك وقىتۋ ماسەلەسىنە نازار اۋدارىپ وتىرمىز. سونىمەن قاتار اقپاراتتاندىرۋ تەحنولوگياسىن، IT تەحنولوگيانى مەڭگەرۋ باعىتىنا نازار سالىپ وتىرمىز. ويتكەنى بولاشاق وسىلارمەن بايلانىستى. ءبىز بيىلعى جىلدان باستاپ «مەنىڭ بولاشاق كاسىبىم» اتتى ۇلكەن ءىس-شارانى وتكىزبەكپىز»، - دەيدى «رۋحاني جاڭعىرۋ» جوبالىق كەڭسەسىنىڭ جەتەكشىسى باقىتجان اشىربەكوۆ.
